.. { أحمد بن جوفآن } .. Private [الأرشيف] - ::. مـنتدى قبيلـة العجمـان .::

احمد بن جوفآن

13-11-2010, 09:20 AM

.

الجرح أكبر , ولو العـذر .. من غـالي .!
................... وما كل عذر ٍ يرد النفس , لا شامـت .!

ترسل وانا منـْك , مبطي قاطـع ارسالي .!
................... و أرد كف الرضا , والنفس لا هامت .!

إمن أول ان غاب صوتك , اسهر لحالي .!
................... واليوم مرتاح وعيني , فالهجر نامـت .!

وإمن أول :- آآفـز , لامـن دق جـوالي .!
................... واليوم اخليه فوق الرف , ع الصامت .!

.

احمد بن جوفآن

13-11-2010, 09:28 AM

.

أصبـَر الحال , في قولـة :- بياتينـي
..................... وانا أدري إنـي :- اببطي .. لـو أصبـَرها .!

و قصايدي في غيابك , ما تسليني
..................... لو تِطرب الناس , تشكي جرح شاعرها .!

.

احمد بن جوفآن

15-11-2010, 10:52 AM

.

مافيه داعي , يضيع الوقت .. ع الفاضي .!
......................... سولف , وبسمعْك وإن سولف فـ/إسمعني

تكون راضي , وانا مثلك .. بعد راضي
......................... و اما اقنعـك , في كـلامـي .. أو بتقنعنـي

وخل العقل بيننا , يا (فوضـوي) قاضي
......................... وإن جيت أعـد الحقـايـق , لا تقـاطعنـي .!

صحيح انا من بعض الأشيـاء , متغاضي
......................... لكـن , بقـول :- الحقيقه .. منت مانعنـي .!

.

احمد بن جوفآن

15-11-2010, 10:59 AM

.

ماني بزعلان , وشهو له تراضـيني ؟
.............. يكفيني إنك عرفت ,, إنـه خطا ظنـَك

لي حق أزعل , ولا بـان الزعل فيني
.............. بس الصراحه , خذيت بخاطري منـَك .!

.

احمد بن جوفآن

15-11-2010, 11:12 AM

.

الحظيـظ إلي .. وهبـَه الله :- قنـاعه
............... كنـز ,, ما يشـرا ولا حتى .. يبـاعي .!

وصاحبي بصره , لو يغيـَر طباعه
............... ولا انا تبقـا طباعـي , هـي طبـاعـي .!

ومن طناخة راس .. ولا من قلاعه
............... نقدم وندعـس ,, على روس الإفاعي .!

شابـع ٍ من عقـل ٍ .. ملكـَـع لكـاعـه
............... لو تغيشـم ,, كـن ما فالجـو .. واعـي .!

وطعنة الأصحـاب , مافيها شفاعه
............... وإن قصرت الحكي ما تقصر ذراعي .!

.

احمد بن جوفآن

15-11-2010, 11:16 AM

.

نرضا , بحكم القـدر .. وكبودنا حرقـا
............... و إنتي بلا ذنب , عشتي قسوَة أيامي .!

إن هزَك الشوق , وطالت ليلة الفرقا
............... غطي طيوفي , بجفن عيونك .. ونامي .!

.

احمد بن جوفآن

15-11-2010, 11:26 AM

.

عزي لقلـب ٍ يلوعه , فالهجــر لوعـه
............... حسبي على من لها , فالقلـب ماريـَه

إن جات , زان المزاج وزانت طبوعه
............... وان ادبـرت , تقلَب اخلاقي تجاريه .!

ذربه , ومزيونـه , وترفـه , ودلوعـه
............... وتعلم الغيـد وش .. معنى الحيـاويه

لبا غلاها .. وحـب ٍ , نـادر بـ/نوعـه
............... وياجعلني ما اخلا يـ/أحلا مزاجيه .!

.

احمد بن جوفآن

27-11-2010, 06:16 PM

.

قمـت آتصـدد , من طيوفـه .. لا بغا جفنـي -{ ينـام .!
.......................وقمـت آتناسا , كل ذكـرى لا قسا الشوق وطـرى .!

ولا ذعذع الغربي عصيـر , و جاوبه نـوح الحمـام .!
.......................سلـَمت للريح الكِـبر , وأرجع مع الذكرى .. ورى .!

حسبي عليه , أقفا وانـا .. -{ ممـداني ابدا بالكلام .!
........................وليتـه , بعـد مقفا سأل .. أو ليـت عن حالـي درى .!

لو كان يدري , وش خفيته من ورى عوج العظام .!
.......................ما كان عيني { فالهجر , تنضَح , ويجفاها الكرى .!

.

احمد بن جوفآن

04-12-2010, 01:04 PM

.

http://up.arab-x.com/Nov10/9ep60985.jpg (http://up.arab-x.com/)

عادة الدنيا , تدور .. ولا تدومي=دروة ٍ تلحق خويتها , بـ /دوره .!
صاحبي , والضيق ماهو للقرومي .!=لو تكابر , بين صوت وبين صوره .!
يستحي من نفسه , الرجل الكتومي=ولو يبيله شور , ما يخطيه شوره .!
لا تلفـَت في رديـَين العزومي .!=فالرجال اشباه , من عرجا و عوره .!
( لازمك لا بان , ابدا من لزومي .!=يعجبك من لا حضر , يثبت حضوره .! )
خيـَل البلها .. زما راسي همومي .!=يوم غصـَت عبرته , في وسط زوره .!
لد لي , يا جعل تفداك الرخومي=واعتنـز على جبل , ( وانا اخوَ نوره ) .!
واطلق حجاجك , وبتزين العلومي=ولا تضايق .. والزمن , نكفيك جوره .!
الخوي له قدر , وفي عز محشومي=نحفظ حقوقه وندرا له شعوره .!
وإن تمادى , قلت / يوم الصد يومي .!=ببتعد قبل اكسره , واكسر غروره .!
والردي , ماني بعده من خصومي .!=ولو ما قصـرت , يلحقني قصوره .!
أتبع العادات , و اعز السلومي=دام لي نفس ٍ , على العليا غيوره .!

.

احمد بن جوفآن

05-12-2010, 09:06 PM

.

http://up.arab-x.com/Nov10/ppo40058.jpg

يا كويتنا , الفوز و النوماس .. حنا له
...................... وعيــون حسـَادنا .. بدموعهـا , تغـرق .!

تشهـد :- سجلاتنا ,, بالفـوز وابطاله
...................... تفرق وحنا , عن شعوب العرب نفـرق .!

والكـأس ,, ماهو عبث يـوم ٍ عنيناله .!
...................... تشفق له .. قلوبنا , وحلوقهم .. تشرق .!

ويعيش الازرق , وكل الشعب غنى له
...................... جبناه ’عاشـر’ وهذا .. موجنا الازرق .!

.

احمد بن جوفآن

07-12-2010, 12:00 PM

.

ياكبدي ( الليل ) دام اوضاعنا حرجه
............... العقل نعمه وانا مازلت ؟ ( محتاطي ) .!

أدرَج الحال ويوم ان جات مندرجه :-
............... يبين وسط العرب من يبحث ( اغلاطي )

يازين هرجه وياجيده على ( هرجه )
............... وإن جيت عند الفعل خاسي و ( بقَاطي )

يخش لي عقربه ويمد لي ( خرجه )
............... مايدري ان سطوته ماهي على الساطي .!

وانا أتعزوا بـ ( خالد ) , واقطع الفرجه
............... وإليا ارتفع فوق قلت ( القاع ) يا واطي !

نفسي عن الرد لا شفقه ولا حرجه
............... بعض السوالف ؟ ( نمغطها ) تمغَاطي .!

وقدام يقفي بها ( عوجه ) معا عرجه
............... عديتها ( صايب ٍ ) واقفا بها ( خاطي ) .!

.

احمد بن جوفآن

07-12-2010, 12:06 PM

.

بعض العرب , لا راح .. ماهو :- بالفقيد .!
........................... وبعض العرب , لا راح .. ربعه :- تخسره .!

وبعض العرب , لا شفت زوله من بعيـد .!
........................... ( تستكبـره ) .. وإليا حكى , ( تستصغره ) .!

.

احمد بن جوفآن

07-12-2010, 12:22 PM

.

إلي غيابه , يترك لـ/ رجعته .. يآس .!
.......................... عاده , ليامن ضاق صدره .. ذكرني .!

بيدري إني بالغـلآ , صادق إحساس .!
.......................... وبيدري إنـَه , من سواته .. خسـرني .!

تخذلني ضنوني .. وانا اقول: لاباس .!
.......................... ومالله .. على طرد المقفـَي , ومـرني .!

الله يخلَي , من وصلني .. من الناس .!
.......................... والله , يسمـَح درب منهـو .. هجـرني .!

أعيش فالدنيـا , وانا .. رافع الـراس .!
.......................... ولا أمــوت .. وعـزَي إلـي :- قبـرني .!

.

احمد بن جوفآن

17-12-2010, 01:31 PM

.

سولف علي , لاصرت اجي وقت وآروح
.................... حــرام .. تقتل لهفتي -{ .. في عتابك .!

مجروح :/ إي والله انا { .. كلي , جـروح
.................... الوقت ما قصـَر .. و حضـرت جنـابـك .!

جيتك , وانا { مشتاق } .. لو ماقدر آبوح
.................... وانهدمت :- آمالي , وهي عند .. بابك .!

راعي الهوى , لو كابر بـ/ صمت مفضوح
.................... شف في عيونـي , ويش سوى غيابك .!

.

احمد بن جوفآن

17-12-2010, 01:47 PM

.

تحتاج .. فـ/ الدنيا , لـ/ فن التعامل }-
.................... حاجـه .. -{ بتكسبها , معا مر الأيـام .!

خلك -{ معا ذالناس , ساير .. وجـامل
.................... بعض البشر , فـ/ مجاملتها .. ما تنلام .!

ولا تزعجك , كلمه .. من إنسان خامل
.................... كم شخص من زلَة وجيه الفلس , شام .!

وإعرف مافيه أحد ٍ في ذالكون , كامل
.................... والنـاس صنـَفها .. على أقسام و أقسام .!

و إذا صفالك , شخص وافي وصـامل
.................... لا قلت لـه : قـدام .. , بيقـول : .. قـداام .!

.

احمد بن جوفآن

30-12-2010, 01:16 AM

.

فكـرت بأحساسـي , بـ/ تفكـيـر عـُقلاني .!
........................ وعايشت انا الصدمـه إلي , أثـرت فينـي .!

أفضل لي , آعيـش باقي العمـر وحـداني .!
........................ ولآ إني أرجع لـ/شخص ٍ طاح من عيني .!

وش فايـدة حـب , شخص يحـب له ثاني .!
........................ لو ماتـركتـه , تركـنـي .. قبـل يرضينـي .!

الموقف الصعب , بعض احياني إنساني .!
........................ لو تكره النفس , {صعب العقـل يعفيني} .!

.

احمد بن جوفآن

12-02-2011, 04:19 PM

.

عليك صبري -{ ياحزن .. كل ماهمت=مع الخيال , و كل ذكرى قريبه .!
والموت لامن حار دمع , و تبسَمت .!=يطغي عليَ العز , و تصيح هيبه .!
ودنقت ثم افقد شعوري , وسلَمت .!=للدمع حالي , لين يبطي صبيبه .!
يا صاحبي , قبل الحكي لو تلعثمت .!=ضاقت صدور , اهل الصدور الرحيبه .!
وش ينفعك عقب البطا , لا تندَمت .!=وين انت عن صوت الخفوق و نحيبه .!
كم لي .. انادي لك , و لكن تفهمَت .! =ماكل شي ٍ خاطري به , بجيبه .!
لاتعتذر { للجرح .. و البعد , مادمت .!=فرطت في قلب ٍ .. تغشَاك طيبه .!
صعب التفت وارجع , ليامن تقدَمت .!=منت بنصيب , الي رجا بك نصيبه .!
أسرفت في جرحي .. وانا ماتكلَمت .!=وقلت الخطا وارد .. و -{ قلب وحبيبه .!
ماهي مصيبه .. لو خطيت , وتعلَمت .!=تخطي .. وترجع بالخطا , ذي مصيبه .!
ولاهي غريبه , إن جرحت .. وتألمت .!=لكن بجرحي .. تبتسم , ذي غريبه .!
واليوم مالي بـ / الهوى .. :- لو تكرمت=و جرحي مع الايام .. بلقا طبيبه .!
خل المشاعر , ترقد { بعالم الصمت }=و الحب , بعد الي حصل لاتحكي به .!

.

احمد بن جوفآن

20-02-2011, 03:04 AM

.

لو إخذلت , عين الأمل .. دمعة اليآس
........................ يبقا على , رجـم الرجاوي .. نـظـرها

حتى الليآلي .. لو بقا عندها , إحساس
........................ ما تاخذ إلي , من معي .. قد سهـرها

إلي له {الذكرى} , معا .. كل نسناس
........................ ومحبته , يبطـي بصـدري .. أثرها .!

يمرني طيفه , معا .. زحمة الناس .!
........................ وأغيب من دنيـآي , و أنسا بشرها .!

.

احمد بن جوفآن

20-02-2011, 03:14 AM

.

لولا الشعور .. بـ/ لهفة الذات ، لذَات
............... قلت النفوس تعيش .. لحظة مرضها .!

مــدام مافسرت ، { بعض العبارات }
.............. عـط القلـوب .. اوقات تعرف بعضها .!

.

احمد بن جوفآن

20-02-2011, 03:19 AM

.

LKxaW-lUyxM

.

احمد بن جوفآن

25-02-2011, 03:21 AM

.

صحيح إن مالنا من , بعض خبلان العرب صده .!
................. وحنـا نلعـن الشيطـان منـهـم .. قـبـل عرضتـهـم .!

بلونـا و ابتـليـنـا فــي بـلاويـهــم , علـى الـشــده
................. وحـنـا مانحـســب حـسـاب .. هيَـنـهـم و شـدتـهـم .!

حشمنا ناس .. حشمة ناس , ماتستاهل الهـده
................. وانـا مـن قدرهـم حاسب حسابـاتي , لـ/هـدتـهـم .!

ولـكْـن الـعـذر دام الصـبـر عـنـدي .. بـلـغ حـــده
................. ولا ضــيَــع هـــــل الـنـمــات , إلا كـثر نمـتـهــم .!

يقـولـه عـاقل ٍ لاضــاق , يـخلـط طيـشـة بـ/ جِــده
................. ويميَز هرجة العقـال , عاقـل .. سِمْــع حجتـهـم .!

.

احمد بن جوفآن

25-03-2011, 02:47 PM

.

صـبـح , منت بصبــح لو نـورك يـحل .!=ممسي الليـل , بعـيـون ٍ تـسهــره
يسـتـغـل الـيــآس ضـيـقـي , واسـتـحــل=كــل عــرق ٍ , لـلأمــل .. فـيــه إْثـمــره
والله انـــــه يـــــوم , مــاصـــد و رحـــــل=ما بقالـي شـي , خايـف لا اخسـره .!
واحـــد ٍ لا غـــاب , لـــه قـــدر ومــحــل=و واحـد ٍلا غــاب , ماجـبـت إخْـبـره .!
و واحـــــد فــرقـــاه , فـالــعــوج الـنــحــل=و واحــــد ٍ فــرقــاه .. مــاهــز إشْــعـــره
يـامـحـمـد , وان بــــدا جـسـمــي نــحــل=من مضيـق الصـدر , ضيـق الحنجـره
للـخـطـا تـبـريــر , و للـصـعـبـات حــــل=والـعـفـو قــــد قــيــل .. عــنــد الـمـقــدره
أقـرب إمـن الارض , وابعـد مـن زحـل=الأمل .. -{ واليـاس .. يتبعني ثَـره .!
كـــم رجـــال ٍ .. عـلــى الــشــده فــحــل=وكـــــم رجـــــال ٍ .. يـــغـــرَك مــضــهــره
وكـــم رجـــال ٍ .. مـسـنــع لــــه مــحــل=وكــــم رجــــال ٍ .. مسـنـعـتـه مـــــره

.

احمد بن جوفآن

21-04-2011, 01:57 AM

.

الحزن , ما له بعض الأحيان ..{ تفسير
.............. حتى ولـو , يتـرك بوجهك .. علامــه }

يلي تعبـت :- إمن الجفـا .. و المعـاذير
.............. مثلك { كبيـره } .. طيحتـه , وانهـزامـه

هذا انت .. تقطع للطمـوح .. المشاوير
.............. و تذَب هامـه , ثم تطـمـح .. لـ/ هــامـه

لا تقول : حزنك غير , قل : طيحتك غير .!
.............. و إكسر خضوعـك .. بالصبر و إبتسامه

.

احمد بن جوفآن

03-05-2011, 06:11 AM

.

ليل الشتا ما يشابه , غير ليل الهجر=تستوحش النفس فيه و تكثر ضنونها
وإن ودع الليل عيني , مع زراق الفجر=ما ودعـت ذكرياتــي , بال مجنـونها
والي يعاني , لو إنه محتسب للأجر =بيفهم السـر , فالدنيا و مضـمــونها
لكن قلوب الهوى , كنها جذوع الشجر =تنحـرتها الهـبــوب , و هــزَت غصـونها
يابري حالي , وكم لي .. آتوجد و أجر =صوتي .. بفرقا هنوف ٍ , اقفت ضعونها
كنت أكتم احساس قلبي وادعي انه حجر =إلين ما كــذَبتنـي .. { .. نظـرة عيـــونها
حلفت ماخونها , ثم خان قلب .. و فِـجر =غابت ومع طيفها , كل ليله يخونها .!
لو كان بيدي اوقَف دونها ( للحجر )=ماكان والله , قـِـدم عيني يزفونها .!
احد ٍ بكى من فرح , و احد ٍ بكى من ضجر=ومن يومها إنتحيـت , ومـدري شلـونها !
سلام يا عاشقه , من بعد طول الهجر=ذكرتش و روح روحي , جاش مكنونها

.

احمد بن جوفآن

03-05-2011, 06:13 AM

.

xXAljxsOTUU

.

احمد بن جوفآن

03-05-2011, 06:24 AM

.

البارحه , والجفن يسقي .. ضامي الخدين ماه=فريـَس همي اعتزوا .. و أول ضحاياي , الصبر .!
يا سرع دورات الزمان , و كثر .. صدمات الحياه=أخذت من طيبي , حذر .. و أخذت من جرحي , عِبر .!
و أخذت من بعض الوجيه , إلي تشد الإنتباه .!=إن الكبر , ماهو عمـر .. إلي كبر عقله , كبر .!
و أخذت من دنياي درس , وكل ما كنت آخفاه=و لولا الأمل .. ما شفت مخلوق ٍ , على الدنيا عبر .!
و أضحك , و اجامل , و أبتسم .. والحزن في عيني مداه=و ضايق , وقلبي خايف ٍ .. لا يشتكي ضيق القبر .!
و القلب , من يومه فقد من دنيته .. شي ٍ بغاه=مكسور , والخاطر معه .. مافيهم إلي قد جبر .!
وإلي عطيته , صادق الإحساس .. مدري ويش جاه=أقفا وخلاني وحيـد , ولا وصل منـَه .. خبر .!
بعيش و أبقا .. أعتبر , و اصبر على جور الحياه=بـلآك منهـو ما خذا , من ذالحيـاه . أيـَة عـِـبر .!

.

احمد بن جوفآن

20-08-2011, 02:07 AM

,

الروح مستاجعه , والعين .. مشتاقه
............................. وما باقي إلا { شهر و اودَع الديره !

وما عاد باقي , بقلبي .. للهجر طاقه
............................. امسا وحيـد ٍ .. بعد مـ/ اقفـو مساييـره

يا قلب , مالي جمل فالبعد ولا ناقه
............................. وصاحْبك .. حتَيش لو يرسل معاذيره

إن هزَك فراق , منهو يوجع فراقـه
............................. إصبر وكابـر .. عسى بمفارقه خيره !

,

احمد بن جوفآن

20-08-2011, 02:13 AM

.

عقب المهايط , قلت / بنشوف وبعدين ؟
. . . . . . و ليتك , معيـّن خيـر .. ولاّ موقــّع

لا وجــه ٍ يسـاعـد , ولا منطــق ٍ زيـــن ؟
. . . . . . حاولت أرقــّع فـيك , و ما تنتـرقــّع !

.

احمد بن جوفآن

20-08-2011, 02:31 AM

,

تزعل بكيفك , ولا انا ما أخطيـت ؟
. . . . . و لا بـغيــت .. أعــد تـقصـيـرك !!

بـ أتفه سبب خليتني و أقفيـت
. . . . . أشوف شرك و أسمع بـ خيرك !

إن جيت ولاَ يا عسى , ماجيت
. . . . . لا تحسب إن مافيه أحد غيرك !

و مخَك يبي له برمجه و آب ديت
. . . . . لا صـار هـذا ~{ حـد تفكـيـرك !!

,

احمد بن جوفآن

22-08-2011, 02:23 AM

,

~{ حصريـَات لكـم

تفضلو ..

,

{ الجـرح }

http://www.mazameer-up.com/uploads2/13139681971.mp3

,

{ مسنـعـتـه مـره ! }

http://www.mazameer-up.com/uploads2/13139681972.mp3

,

كلمات و أداء .. / أحمد بن جوفان .

,

احمد بن جوفآن

19-09-2011, 03:28 AM

,

الحزن ماله بعض الاحيان , تفسير
. . . . . . حتى ولو يترك بوجهك .. علامه

يلي تعبت .. إمن الجفا و المعاذير !
. . . . . . مثلك كبيــره طيحته , و إنهزامه !

هذا انت تقطع للطموح .. المشاوير
. . . . . . وتـذّب هامه ثم تطمح .. لـ/هامه

لا تقول حزنك غير , قل طيحتك غير !
. . . . . . وإكسر خضوعك .. بالصبر و إبتسامه !

وإليا ظميت , وما بقا للصبر .. بيـر !
. . . . . . إرسم على حد الرجاوي .. غمامه !

بتشوف في رمضى زمانك , تباشير
. . . . . . وبتطير من غصن الأماني .. حمامه

عيش إ/متفائل و إعرف ان ربك كبير
. . . . . . ما ظـام منهـو , جاير الوقت .. ظامه

على الأقل , صبرك على الحزن تكفير !
. . . . . . عن ذنب معمي , عين قلبك ظلامه !

وكذاب قايل .. دنيَتك ما بها خير !
. . . . . . { لله حكمه , في تصرف أنامه }

عشنا بذالدنيا , و نبقا مسايير !
. . . . . . وكل ٍ بيحصد , مازرع من أثـامه !

عمر البنادم , حتى لو يبطي قصير
. . . . . . و يعيش له ذكره .. و تدفـنْه خامه !

و أنا .. يلو كثِرت علّي المخاسير
. . . . . . يكفي ضميري , ما خسرت إحترامه !

ومدري وش إلي صار , أو ويش بيصير !
. . . . . . تــايه , على حـد الأمل .. و إنعدامه

تصدق لي الدمعه , ليا خان تعبير
. . . . . . و إليا تباطا , جفن عيني .. منامه !

ويضيع بالي .. بين سجّه و تفكير
. . . . . . ولا كسبت .. إلا التعب , و إهتمامه

ويلعب بي الغربي , ليا ذعذع عصير
. . . . . . و أفقد خفوقي .. لا سرابه هيامه !

ياوين ابلقا .. يـ/ آخر الصد تبرير !
. . . . . . للي ترك , في خد الأيـام .. شامه !

اقفا و قصّر بي .. ولا جاه تقصير
. . . . . . وشلون حتى .. باخل ٍ في سلامه !

لاشك , يبقا له معـزّه و تقديـر
. . . . . . و ما زال , ذا قدره .. و هذا مقامه

و يا صاحبي , لو إخذلـتـْك المقادير
. . . . . . لا تنكســر , لو كان .. مابه سلامه

شفني خسرت كثير و كثير و كثير !
. . . . . . ومازلت أعيش .. و راس مالي كرامه !

,

احمد بن جوفآن

28-10-2011, 03:02 AM

.

{.. لا تصــدد , ثم تقـفـّاني .. تـكلـّم
. . . . . عـادت الحكـّاي , ما يقـدر .. يـواجـه !

ويوم انا مريـّت , من طبعي .. أسلّم
. . . . . أبغي أجر الله .. ولا لي فيك , حاجه !

علم إلـي , عـاش وقتـه .. ما تعـلـّم
. . . . . الـردي , ما ينحـر الظلمــا .. سراجه !

لا زعل سالم , ياوش دخـّل مسلّـم
. . . . . إزعـلـو والبـحـر .. يرضـيكـم همـاجـه !

مثلـكـم , لامـن زهمتـه .. ما تـولّـم
. . . . . حـر .. لكن لا أحتمى الموقف دجاجه !

.

احمد بن جوفآن

28-10-2011, 03:06 AM

,

تمر الأيام والذكرى .. هي الذكـرى
. . . . و ما زال ليل الهجر ما غاب عن بالي !

والي خذاه الجفا .. و ابطا به المسرى
. . . . يا قطع كبـدي عليه .. ويا بــري حـالي !

ياليت كان الــوداع { بـ ليلة ٍ غـدرى
. . . . أهون ولا أشوف .. يمسح دمعه قبالي !

ايامنا موحشه .. و حظوظنا قشرى
. . . . العام انا أسهر معه , واليوم .. بلحالي !

,

احمد بن جوفآن

07-11-2011, 03:23 PM

,

مازلت تأسر , قصيدي كل ما غنيّت
. . . . . . أثـر المشاعـر بتبطي .. و إنت مرهقها .!

و أثبـتّ يـوم آتحـرا , جيّتـك و أبطيـت
. . . . . . بعض الأماني , بمـوت .. و لا أحـققها .!

,

احمد بن جوفآن

07-11-2011, 03:36 PM

,

صاحبك , لو كان ما تعشـق صفاته
. . . . . كان ما سايرت بـ/ دروبه , دروبـك !

و دام فات الفوت , ما تنفـع وصـاته
. . . . . و إنت كـِـبرك .. أوّل و أكبر ذنوبك !

كل أحاسيسي .. و قلبي و أُمنياته
. . . . . لو تمر , ألفين مرّه .. ما دروا بـك !

أنت وقتك , بين خطـوّه و إلتفـاته
. . . . . ولاّ أنا .. تبطـي ولا , لديـّت صوبك !

,

احمد بن جوفآن

07-11-2011, 03:44 PM

,

حـيّ الله إلي , ليامن غبت يفقـدني
. . . . . . إلي .. يـزول الزعـل والضيـق , بقـدومــه !

إقـرب و سولف علي لكنْ لاتنشدني !
. . . . . . مغليك لا شاف عينك , ضاعت علومه !

,

احمد بن جوفآن

07-11-2011, 03:51 PM

,

إنتي .. ملكتي خفوقٍ .. { مغلق أبـوابه
. . . . . و سايفت لك .. كل بـابٍ ، يـوم ماشفتك

و إنتي عشقتي المكان , إلي إلتقينا به
. . . . . و أنا عشقت الصدف , من يوم صادفتك !

,

احمد بن جوفآن

09-11-2011, 01:26 PM

,

يا الفاتـنه , ما عاد باقي بنا .. بــآس
. . . . . . مــا كـنـّـك إلا .. كل ليـلــه عروسـه

إنتي لحالـك غير .. منتي مع الناس
. . . . . . و إنتي أحد أسباب , كثر العنوسه !!

,

احمد بن جوفآن

18-11-2011, 08:52 PM

,

تطري علّي , و أكابد الشوق بسكات
. . . . . و أضحك , ولو إن العواقب .. وخيمه .!

ولو خذتني منْـك .. طـول المسافـات
. . . . . تبقـا لـي أغلى .. { الذكريـات القديمـه .!

,

احمد بن جوفآن

18-11-2011, 08:55 PM

.

الشتا و ضلوعي و صخب المدينه
. . . . و الشعور بوحدتك , في وسط دارك .!

و المطر و الريح و القلب وحنينه
. . . . كل أبوهم من رحلتي .. بإنتظارك .!

عاشقك , لو كان ناظرتي بعينه
. . . . كان ما عجّلتي .. بقسوة قرارك .!

كيف لـ كفوف المفارق .. تتركينه
. . . . وش عذر يمناك , لو تسأل يسارك .!

و كيف لا طل المسا , ما تذكرينه
. . . . كيف ما هزّك هدوءه .. و إستثارك .!

الزعل .. ما ينكر إنّـك تفقدينه
. . . . لا تقوليـن / الجفـا رد إعتبـارك .!

عاشقك ما عاد باقي في يدينـه
. . . . لا تمنـّا .. من بــراد البٌـعد , نـارك !

غير يترك , للعتـب نظره حزينه
. . . . و عاذرك وإن كان ياصعب إعتذارك .!

تطغي أحزانه .. على فرحة سنينه
. . . . و ينهزم لك حب , و يعيش إنتصارك .!

وإن قسى شوقه , و كابد في أنينه
. . . . غمّض عيونه مع احلامه .. و زارك .!

كابري بشويش .. دامك تعشقينه
. . . . وإن زعل ليلك , بـ يرضا له نهارك .!

هذا هو و الشوق و أجواء المدينه
. . . . بإنتظارك , بإنتظارك , بإنتظارك .!

.

احمد بن جوفآن

18-11-2011, 08:58 PM

.

هـُـنــا (http://www.alqsed.com/index.php?action=songs&id=344)

^
^

تجدون بعض الصوتيـّات لي

[ شكرا ً لكل من سأل ]

.

احمد بن جوفآن

04-12-2011, 11:17 PM

.

عين السهر تشتكي , والليل يسمعني
. . . . . ولو كلّهم .. عاتبوني , في مُعاملتك

حتى ولو خافقي .. ماهو مطاوعنـي
. . . . . وش دخـّل النـوم يزعل , يوم زعّلتك !

.

احمد بن جوفآن

04-12-2011, 11:19 PM

.

فرق الرجال , إن كان يحتاج تفسير
. . . . . شفني رغم كل ما حصل .. ما حقرتك !

يـوم إذكرنـي بخيـر , ما كنّك بخيـر
. . . . . وأنا لا { طـروّ الخير .. قمت و ذكرتك !

.

احمد بن جوفآن

04-12-2011, 11:21 PM

.

أجهدت نفسك , ورا ناس ٍ تسنّعها
. . . . . . والبعض , ما يمدحون .. إن كان ما ذمّو !

فرصتْـك بتجيك مرّه .. لا تضيّعها
. . . . . . إن ما إستغلّيتها .. { سلّم على عمّــو } !

.

احمد بن جوفآن

04-12-2011, 11:25 PM

.

أقفيت منّي , و أنا إلّي فيك متجوّد !
. . . . . و مدري .. وش إلّي دعاك وسيّر أقدامك !

أمـّا تجيني غـلآ .. أو طالبـك عـوّد !
. . . . . ما عـاد عنـدي مجـال .. أصـدّق أوهــامك !

.

احمد بن جوفآن

04-12-2011, 11:30 PM

.

إطلق حجاجك .. يا زبون الصعيبات
. . . . . . دام الرّجـى فـالله , ماهو بخايب

عشنا ولاحن , نَعرف المستحيلات
. . . . . . الله خلقنا للمصايب .. مصايب .!

.

احمد بن جوفآن

04-12-2011, 11:33 PM

.

أجمع له علومي .. قبل لا أحاكيه
. . . . . . و أضيـع كـلـّي بين { رٍمشـه و رٍمشـه !

أيـّووووه , يالطلـّه .. ولبـّا ولبـيـّه
. . . . . . يا خشـَت ٍ , تسوى ثلاثين .. خشــّه !

.

احمد بن جوفآن

04-12-2011, 11:36 PM

.

يا كثرهم , قدام عينـي و انا أشـوف !
. . . . . . و يا قلّـهم .. { إليا إنجبـرت , آتلـفّت !

ناس ٍ تجي , مابين خٍدمه و معروف !
. . . . . . و إليا أقبلت لي سود الأيّام .. قـفــّت !

.

احمد بن جوفآن

17-01-2012, 12:48 AM

.

{.. إن كان ودّك تناساني , تناساني ؟
. . . . . الله ولا صـدّت الغالي .. و تجريحه

ما عاد تفرق معي , لو عشت وحداني
. . . . . أنا قضيت العمـر , غربه و تلويحـه !

.

احمد بن جوفآن

17-01-2012, 12:52 AM

.

ليه تذكرني , وانا قلبي نسى ؟
. . . . . و ما بقا في درب رجعتنا , أمـل

كنت أشوفك غير مع كل الأسى !
. . . . . لكن الإنسان .. ما عمره كِـمـل

لاتعيش اليوم في عل و عسى
. . . . . و الهجر ماقد حشم وجه الشمل !

و ليه تستغرب , إذا قلبي قسى
. . . . . { الجزاء يكون من جنس العمل .!

.

احمد بن جوفآن

23-01-2012, 01:56 AM

.

IZM0xE3tEmg

.

احمد بن جوفآن

23-01-2012, 01:57 AM

.

غايب ولو إنّك مثل , أيّ مخلوق
. . . . . . ما شفت خطوات الرضا .. تتبع آثــرْك

ما للهجر قيمه .. ولا للزعل ذوق
. . . . . . أنا خسرت كثير , وما ودّي أخسرْك .!

.

احمد بن جوفآن

26-01-2012, 02:06 AM

.

وش حاجتك في صفحه و لسته و نك
. . . . . . رح قلـّهم .. قولـو .. و قولـو .. و قولـو .. !

غــلآك , في قلبي .. ولا يلحقه شك ؟
. . . . . . من غيـر لا ( follow ) ولا ( Unfollow )

.

احمد بن جوفآن

28-01-2012, 12:01 PM

.

تنشد عن أحوالنا , بدري ؟
. . . . . منهو فقد حس , وش ياجـد

قدرك تعرفه .. و أنا قدري
. . . . . فالضيــق .. لا صرت متواجد

لكْن تدري .. و أنا أدري
. . . . . إليا هجـد خاطـري .. هـاجد

أصد من عالمي و أسري
. . . . . و الحكـي .. فالصـدر متراجد

و أعوذ من شرّي و صبري
. . . . . بلـّي دعيتـه .. و أنا سـاجـد

عذرك يطـّوّف .. وأنا عذري
. . . . . خبلان بعض العرب .. واجد !

.

احمد بن جوفآن

31-01-2012, 11:15 AM

,

ToBhewecgvU&feature=bf_next&list=PL689072B55F54942E&lf=results_main

,

احمد بن جوفآن

31-01-2012, 11:20 AM

,

http://twitter.com/#!/AhmadAljofan

^

تـُسعدني متابعتكم
عبر التويتر

,

احمد بن جوفآن

31-01-2012, 02:27 PM

.

http://im12.gulfup.com/2012-01-31/132801238471.jpg

يا راس من قال القمم حنا على راس القمم=وخل الحكي لأهل الحكي .. سنّد على الي قايله
رد الخبر لأهله الخبر .. خله على خده وسم=من شاعر ٍ يصوغها .. صوغ الذهب مثـايله
ياخِلفت إلحوق العرب .. وشلون تمدح او تذم=وسيسان بيتك كل ابوها يا صبي .. متمايله
هذاك ( ابو خالد ) عريب الجد من خال ٍ وعم=ربعه كعام المعتدي بالهوش .. واهل الطايله
كريم لا شح الدهر .. يمناه هي ام الشحم=و من دون ربعه .. يوم مثله نومست فعايله
ولا انت ما تلحق معه .. نار ٍ سناها من عدم=(تبطي ويبطي من معك) .. مافيك من خصايله
وعزالله ان لك لابت ٍ لو تنذكر قلت ونعم=لكن ما انت بـ / كفو .. اسم القبيله شايله
و كا إبنْ عمّك يزرع الفتنه .. وفي ربعك زعم=عزّي لـ / ربعك كان ما تستر على خمايله
هذي ترا بعض الحقايق .. والقيم لأهل القيم=وصديت انا من بعضها حشمه لربع العايله
ويا خلفت إلحوق العرب .. اقرب على ساق وقدم=واعلمك فرق الرجال وحر ضو القايله
و ((عبدالله ابن زريق )) فعله بيننا مثل العلم=له ماقف ٍ سر الرفيق .. وتنذكر جمايله
ومدام هو لامن تعزوا .. عزوته ( بن لآعجم )=دونه تصك رجالها .. من ( يام ) ومن سلايله !

.

احمد بن جوفآن

01-02-2012, 10:46 PM

.

وقفاتنا , ماهي .. بتحتاج تذكير
. . . . . . لنا مع التاريخ .. فعل و دلايل

يـ مطير منتو بس هاليوم بمطير
. . . . . . مطير هذا اليوم .. كل القبايل

.

احمد بن جوفآن

19-03-2012, 03:43 PM

إخلق من العثره , أمل
. . . . . و أقولها و أجـزم جزم

أكبر نجاحات .. الرجـل
. . . . . لا صار يكره .. ينهزم

و أوّل دلالات , الفشل
. . . . . إليا فقـد رآي و عزم !

.

احمد بن جوفآن

19-03-2012, 03:46 PM

آسف .. خذلتك معي يا حلمي العابر
. . . . . ضاعت جميع السُبل بـ أطراف غاياتي

ما أنكر إني كِسير .. و رغم ذا صابر
. . . . . تقصر حظـوظي .. ولا تقصر طموحاتي !

.

احمد بن جوفآن

19-03-2012, 03:52 PM

أحن لك , و أشتـاق لك , و آتحـرآك
. . . . . {.. حتّى لـو أكـابر .. ليا مـر طاريك

ولا تغـرّك الضحكـه .. مـعَ ذا و ذولاك
. . . . . أضحك معَ غيرك , و أنا خاطري فيك .!

.

احمد بن جوفآن

23-04-2012, 07:06 PM

.

http://www.alqsed.com/uploads/songs/taba_almrah.mp3

{.. تأبى المروءه .. يا قليل التراحيب
و ما جيت أدوّر من ورا الناس , نفعه !

عايش و بالفطره على .. العز و الطيب
و أكره ماأشوف معرّب الساس , ضفعه !

المغني الله , عن جميع المطاليب
مغنيني .. بـ فرضه و وتره و شِـفعه !

عدّت بنا الشيمه , لـ روس المراقيب
و الوجه له حشمه .. و للنفس رِفـعه !

و ورا الجمايل .. ما ندوّر مكاسيب
قمت أعتبرها , من بلا الوقت دَفـعـه !

و الهم و الغربه .. و كِـثـر التجاريب
كم عشتها , دِفعـه و دِفعـه و دِفعـه !

عقلي خصيمي , ما لحق نظرتي ريب
أخذت لي , من درس دنيـاي صفعه !

و نوماسنا , بالذًّكر و فعل المواجيب
مثل الفخر .. مع عـزوّة إخوان رِفعـه !

وقول , المراجل تحضر أوقات و تغيب
مايشفع لـ منهو على العِسر , ضفعه !
.

احمد بن جوفآن

23-04-2012, 07:16 PM

.

ما عاد لي , في درب الأحباب جِـرّه
. . . . . جنّبت عن ما .. يغـوي القلب و اللـّب !

-[ الحب ]- مـرّه .. ماهو ألفين مـرّه
. . . . . أو [ غالـباً ] الحب الأوّل , هو الحـب !

.

احمد بن جوفآن

23-04-2012, 07:20 PM

.

الناس , ما قد خلّو أحـدٍ بـ حاله
. . . . . لا تظلم إحساسي .. بـ قولت يقولون !

جيتك .. كريمٍ بالهوى راس ماله
. . . . . قلبٍ يـِعرف يحب .. ما يَعـرف يخون .!

.

احمد بن جوفآن

23-04-2012, 07:33 PM

.

[.. لا تعتذر .. ماني بمحتاج تبرير ..
. . . . . دام الخطا , منّي .. ولاهو بـ منّك

كنت أحسب إنّك غير و أثرك بعد غير
. . . . . عن كل شيٍ , كنت أنا احسب إنّك !

.

احمد بن جوفآن

23-04-2012, 07:38 PM

.

يا هادي , الصمت لو طوّقني سياجه
. . . . . كتوم , يا صاحبي ولّا إنت تدري بي

إنّي عن أهل الحكي والوقت وإزعاجه
. . . . . يا كبـر عقلي و يا صبري و يا طيبي !

لا هان منهو لـ ضيفه مِطلق حجاجه
. . . . . و إن كان عيبي كذا لا يا حلو عيبي

والله , فـ لا أرد منهو .. تنقصه حاجه
. . . . . لو ما بقا لي , ربع دينار في جيبي .!

.

احمد بن جوفآن

23-04-2012, 07:40 PM

.

وينك و وين الهـوى , كذاب من دلّك
. . . . . مُـدّه يـِبين الغـلآ .. ثم يختفـي مُـدّه !

إن كان لا جيتني .. ما جيتني كلّك
. . . . . أنا لا صدّيت , فـ الصـّده هي الصـدّه !

.

احمد بن جوفآن

11-09-2012, 03:46 AM

.

يا بارد الحس , كان البُعد ما أثر بك
. . . . . . لا جاك طيفي مسيـّر , هات لي طيفك

بكيفـك , إنـّك تحـب .. و ودّك آحبـك
. . . . . . لكن أحبـك .. و تِقفـي , مو على كيفك !

.

احمد بن جوفآن

11-09-2012, 03:50 AM

.

ما ودّي , بكره مكانك .. [ ياخـذه غيرك ]
. . . . . . و أنا رسمتك أمل .. في عمري الباقي

إنصف خفوقي معك وأشغل لي تفكيرك
. . . . . . لا تظلم إحساسي , ولا تجرح أعماقي

أخاف تبطي علي .. و يزيد [ تقصيـرك ]
. . . . . . و أنا ما قصّرت .. في حبي ولا أشواقي !

.

احمد بن جوفآن

11-09-2012, 03:53 AM

.

كان لك قلبٍ , مُعرَض للضيـاع
. . . . . حتى أنا لي قلب .. قابل للكسر !

محترين الوصْل و نخاف الوداع
. . . . . و البلا إن البعـد .. دوّرا و جـِسر !

.

احمد بن جوفآن

11-09-2012, 03:58 AM

.

ماني بـ أحب الحكي لا تتعب بـ نقله
. . . . . . لا إذني صقها , و عيني ماهي بـ حوله !

ترا الذي فاهم .. و شبعان من عقله
. . . . . . ما كـل شي ٍ , يِعـرفـه .. [ لازم يقوله ! ]

دايم دروب المـراجل .. وعـره و رقلـه
. . . . . . و أهل الحكي و الدسايس ماهي بحوله !

عليك بـ إلّي , مخلد له .. و وثق له
. . . . . . إسم ٍ بـ وضـح النقا .. له صوله و جـوله !

و الحـر لو زاد حمله .. ما شكى ثقله
. . . . . . و الناس ماهي فـ بعض الناس مسؤوله !

سلام للي تِعشق الطيب وتشفق له
. . . . . . و أشنابهم , من بياض الوجه .. مفتـوله !

.

احمد بن جوفآن

11-09-2012, 04:03 AM

.

إبتسم لو تكابر , و إرم حزنك وراك
. . . . . . لو تضيق الدروب ولو يضيق النسم

الله إلي جمعنا .. و الله إلي خذاك
. . . . . . ليـه نـِزعل بَعضنا .. دام مالله قسم ؟

.

احمد بن جوفآن

11-09-2012, 04:07 AM

.

على كثـر ما خانوا .. أقـراب و أحباب
. . . . . . على كثر .. ماكنت أكابر وأسامح !

تعبت , و أنا أخلق لـ هالعالم أسباب
. . . . . . و ما للحيا , في بعضهم من ملامح !

و كان الزعل يفتح على الصدّه أبواب
. . . . . . ماني على .. طرد المقفّين , طامح ؟

إيه إستوت في عيني وصال و غياب
. . . . . . قد خاطري من مُعظم الناس سامح !

.

احمد بن جوفآن

11-09-2012, 04:11 AM

.

بين خطـوه ثقيـله .. و إلتفاتـت وداع
. . . . . . لو أبمحي المشاعر وقتها , ما إنمحت

ما يهز الموادع .. غير قلب الشجاع
. . . . . . -[ لو يكابـر بـ قلبه .. والعيـون فضحـت !

.

احمد بن جوفآن

11-09-2012, 04:15 AM

.

OzIBonDHpPY

.

احمد بن جوفآن

17-01-2013, 05:19 PM

.

[ طاريـك ..

http://www.alqsed.com/uploads/songs/lbyh2.mp3

لبيه يا صوتك و شوفك و طرياك
و لبيه يا ليلٍ سرى في حراويك

لبيه .. يا لذّة وصالك و لاماك
إلّا على طاري وصالك , وطاريك ؟

هو عاد تذكرني أو البعد نسّاك
هو عادني غالي أو أرخصت غاليك ؟

يا ملهمي ما عادني صاحبك ذاك
انا تعبت اشيل جرحي و أناديك !

أقفيت .. وظروف الزمان اتحدّاك
أبطيت .. ومدري وين دارك و أراضيك

وانا لك الله كل ماعيد ذكراك
أحس كني معك و آعيش ماضيك !

شفتك هنا و هناك و هناك و هناك
من وين ما لدّيت عيني .. ألاقيك !

في ضيقتك في فرحتك في هداياك
في ضحتك عقب الزعل يوم اراضيك !

في طلّة حجاجك وفي بسمت شفاك
في دافي حساسك إلى راحة يديك !

يا ملهمي وش خانت العمر لولاك
وش خانت عيونٍ ماهي تلتفت فيك ؟

تعال واكحلها بشوفت محيّاك
و شفها وهي عن كل ماصار تنبيك !

تفداك هي .. وكل ما صار يفداك
تعال , وكل ضلوع صدري تحيّيك !

بـ أقبل عليك من التعب و آتلقّاك
إقبالت إلي من جفا الناس ناصيك !

ويلي على شوفك وضمّت حناياك
و أشيلك بصدري واحفظك و أداريك !

تعبت و آنا بين هجرك و رجواك
لا طايل ٍ وصلك ولاني بـ ناسيك !

أحن لك , و أشتاق لك , و آتحراك
حتى لو أكابر .. ليا مر طاريك !

ولا تغرّك الضحكه مع ذا و ذولاك
أضحك مع غيرك , وانا خاطري فيك !

أحمد بن جوفان

.