قصيدة بعض احوال

[*ابوخالد*]

أنا مقدر أكون إني حبيب في بعض أحوال
أنا كلي أجي وإلا أروح بعزتي كلي
خذاني لك سؤال في عيونك والجواب المحال
خذاني منك دمع في عيوني مارضى ذلي
أنا اخترت الفراق وما دريت إن الفراق وصال
وأقول إني نسيتك ..بس مدري كيف توصل لي
-تجيني في الأغاني في السوالف في سؤال الحال
تجيني كل ماشميت عطرك وتخيلي
رحلت أنت وتركت لخاطري طيفك وصبر طال
غدت ذكراك شمس ما تغيب وصورتك ظلي
حكيت ومالقيت من الحكي وإلا الندم موال
سكت ومت بالحسرة ولا أدري وشهو أحسن لي
-أحبك كل ما فيني يحبك ياخلي البال
تخيلتك دواي ..وصرت جرحي الصعب ياخلي
-تعبت أرحل مع وجيه البشر بنساك بالترحال
ولا أدري وش يجيبك في وجيه الناس..وأهلي