عادات وسلوم

[الخريف]

من يطلب العليا فلا يرخص السوم000المجد ماهو قسم نفس بخيله

للناس عادات مع الناس وسلوم000يرقى بها الرجال رأس الطويله

من قدم الحسنى والاحسان معلوم000ينال من مولاه كسب النفيله

ومن قدم الحسنى على اللوم والشوم000عدله سبق عن ضيعة الرأي ميله

ومن مات مسلم قالوا الناس مرحوم000شفيعه محمد وربي كفيله

ولو يرحم الظالم من الخلق مظلوم000الوادي الممحل جرى فيه سيله

مانال من شاور على حقه رخوم000إلا مثل مانال من هد فيله


دموع الشــــــــــــــــــــــــــــوق

[فيصل بن حجرف]

السلام عليكم

صح لسانك دموع الشوق على الابيات الجزله
وانشالله نشووف جديدك وقديمك بعد
ولا تبخل علينا

[cool]

السلاااام عليكم ورحمة الله وبركاااته

من قدم الحسنى والاحسان معلوم
ينال من مولاه كسب النفيله

ومن قدم الحسنى على اللوم والشوم
عدله سبق عن ضيعة الرأي ميله

صح لساااانك دموووع الشوووق ولا هنت الغااالي .



لك http://www.shathaaya.com/vb/images/smilies/i.gif


كـووول

[الخريف]

العجمي ابشر بالجديد والقديم0000
كوووول يعطيك العافيه على الورده
شكلها وريحتها حلوووووه 0000
مشكورين000

[admin]

يا مرحبا يادموع الشوق
وصح لسانك علي هالقصيده

[الخريف]

مشكور يا ابو فيصل 000000

يا اجمل فصول السنه يافصلي الخامس00صورتك عندي عظيم الحب خلدها

ياليتني دوم ساهي دامك الهاجس00يابو فيصل مشاعرك حاضره نشهدها

[مـحمـد]

شكرا دموع الشوق على الاطراء

بس اوضح لك القصيده هذي (للسامر) والمفروض تقولنا عشان الجميع يعرف

وانت ماذكرت الشى هذا

وتكون بمنتدى الشعر العام

والمنتدى هذا لشعر الاعضاء وخواطرهم فقط :)

لو يدرى السامر يقاضيك حقوق الملكيه الفكريه لول

[الخريف]

alajmi اشكرك على التعليق000
اما بالنسبه للمكان الصحيح للقصائد
جاتني رساله من زميل لنا في المنتدى
يقول فيها ويعلمني بالاماكن الصحيحه
التي تكون وحيث تكون000000
وانا اعتذر على هذه الاخطاء

[الخريف]

العجمي كل ماهو منك جميل
والاجمل منك بمطالبة الحقوق
ابشر من عيوني اخوي

[مـحمـد]

نتمنى لو نلقاها كامله هذه القصيده فهى تحمل اكثر من ثلاثين بيت . شكرا

ALAJMI

[مفلح]

السلام عليكم

دموع الشوق صح لسانك ولسان الشاعر الكبير السامر

مشكور على النقل واسمحلي بإدراج القصيدة (وافيه إن شاء الله)

وتقبل تحياتي،

مفلح

--------------------------------------------------------------


من يطلب العليا فلا يرخص السوم=المجد ماهو قسم نفسٍ بخيله
للناس عاداتٍ مع الناس وسلوم=يرقى بها الرجال راس الطويله
من قدم الحسنى والأحسان معلوم=ينال من مولاه كسب النفيله
ومن قدم الحسنى على اللوم والشوم=عدله سبق عن ضيعة الراي ميله
ومن مات مسلم قالوا الناس مرحوم=شفيعه محمد وربي كفيله
ولو يرحم الظالم من الخلق مظلوم=الوادي الممحل جرى فيه سيله
مانال من شاور على حقه رخوم=الا مثل مانال من هد فيله
المجد يبغى له شغاميم وقروم=يوفون بحقوق الزمان الثقيله
بادت حضارت قيصر الفرس والروم=ولابكتها عين خلقٍ كحيله
بالمنتحي ماينفع العذل واللوم=أطلب له الله وتركه في سبيله
لابد مايذكرك يومٍ بعد يوم=ويحتاج لك حاجة مصر فيض نيله
العز من بين المخاليق مقسوم=ويفوز به من طيب راسه دليله
كم واحدٍ وده بمجدٍ مع القوم=وعيت صواديف الدهر تستويله
وكم واحدٍ يحيا من الوقت ملطوم=لطمٍ يشاف ولطم كبدٍ غليله
وكم واحدٍ من نعمة العقل محروم=وماله على ماقّدر الله حيله
وكم واحدٍ يلقى به الكبر والزوم=مجدٍ على راسه يعود فشيله
وكم واحدٍ يمشي مع الناس منجوم=وهو من رجال الحسب والفضيله
مادامت الدنيا لحد دايم الدوم=تجذي عن الغايات خيل الوسيله
أطلال دارٍ فوقها يلعي البوم=الله من يومٍ زهتبه وليله
وظرفٍ على مافيه بالختم مختوم=الله من عينٍ وعينٍ تخيله
متعلقٍ بين السماوات ونجوم=سبع الأراضي كلها ماتشيله
مايشرب إلا من جبا بير مسموم=تشوف ناره فوق راس الفتيله
يدري بها اللي عن سما الديد مفطوم=ويجهل به اللي عّن للعرف خيله
ماهوب ضربٍ من ظلالات ووهوم=وافٍ على ماقدر الله كيله
والهقوه اللي مالها جنب وعزوم=تطيح دونه حيلةٍ مستحيله
وحرصٍ تحرص به يفكك من الحوم=حولك من اللي يحسب البعد عيله
لاوالذي تسجد له الخلق وتصوم=ولرضاه بيته والمقام تعني له
أن الوفا له بالعرب حد ورسوم=عند الذي يظفر بكسب الجميله
وروضٍ ينوج بريح شيحٍ وقيصوم=له نظرةٍ تشف النفوس العليله
أكثر عيون الخلق ماتقبل النوم=يشكون هم دقاقها والجليله

[الخريف]

يعطيك العافيه اخوي مفلح ومشكور




واتمنى انك وفيت للعجمي لانه طلبها كامله





دمع الشوق

[عـزام]

دموع الشوق

مشاءالله عليك القصيده صار لها سنه على دور الحول :)

اختيار رائع

وتسلم يمينك

[سالم الصقور]

دمووووووووع الشووووووووق

صح والله لسانك مليوووون ولا يكفووووون

جزلة من جزل


تحياااااااااااتي

[الخريف]

الى الاخ عزاااام اشكرك على المرور

ونحن نختار كل ماهو جميل وشيق

واشكرك مره اخرى

وتقبل تحياتي


اخيك دموع الشوق

[الخريف]

والنعم بالشاعر مهذل الصقور وناقلها

ويعطيك العافيه على الابيا ت الجميله

ومشكورررررررر يالغالي

وتقبل تحياتي

اخيك دموع الشوق

[الخريف]

سالم الصقور يعطيك الله العافيه على المرور

ولاهنت يالغالي ومشكورررررررررررر

دموع الشوق