ويــــن انت ياالولهان

[حبيب]

مساكم الله با الخير



سلام تسليمه على نهج الاسلام = تسليمةٍ تظفي على من قراها


وين انت يا الولهان غايب لك ايام = يوم النجوم الساريه في سماها

[عيد بن شدقان]

حبيب
الله الله الله
صح السانك

بس وييييييييين الولهان

[حبيب]

ذياب

صح ابدنك ولاهنت على المرور

ومادري وين الولهان

[عـزام]

مرحبا ومسهلا ياحبيب والسموحه والله تونى واصل من السفر.

ويا مرحبا يا ذياب وابشر بسعدك ولحد يجى يفرق بينى وبين حبيب:)

واستلم طال عمرك....


يا مرحبا ترحيبةٍ وانت من يام=عز القصير وعز منهو وزاها

غبنا وجينا ويش عندك من اعلام=يالله تامن دارنا وقصراها:)

[فيصل بن حجرف]

صح لسانك ياحبيب
وصح لسانك يا الولهان وبيض الله وجيهكم ولو ان اللعب توه في اوله
والحمدلله يالولهان على السلامه

[حبيب]

العجمان لاهنت على المرور والمتابعه ولنا الشرف


الحمد لله على السلامه يا الولهان ومعذور يا رجال متا ما مريت على النت اكتب الرد



استلم طال عمرك


دام البقا بك وانت في البحر عوام = ولك عزوة" في الحرب يذري ذراها


حنا حماة الدين للبيت خدام = واديارنا من دونها وان حماها

[عـزام]

استلم يا حبيب لا هنت....


للبيت حراسٍ وللدار حكام=والحضر قفت بالدراهم وراها

والقوم راحت بين حزبين واقسام=كلن على ما قيل يمشى عماها

[مدباج]

ياسلاااام ياسلام

صح اللسانك

ياذياب

وصح اللسانك

يالولهان


واصلوا متابع

[حبيب]

الله الله

استلم



ا من اوّلا طير السعد في السما حام = واليوم يا الولهان دارت رحاها


الناس جت قسمين من خمسة اعوام = يوم البنادق ثورة في خباها

[عـزام]

العجمان ومدباج

حياكم الله ويسعدنا مروركم ومتابعتكم.

حبيب صح لساااااانك وبيض الله وجهك.

واستلم لا هنت....


هذى سواليفٍ مضت مثل الاحلام=راحت ولا باقى سوا ذكرياها

خلك مع اللى ساجدينٍ وصيام=فى طاعة الرحمن كلٍ رجاها

[محمد أبو زيد]

حبيب والولهان


صح السااانكم يامبدعين


واصلوا واصلوا


وانا مره مع صف حبيب ومره مع صف الولهان ;)



مع الله ياشعار وسجلوني متابع

[سمو الامير]

الله صح السانك ياحبيب
وصح السانك يالولهان


وانا متابع وفي صف حبيب من غير قصور فيك يالولهان

[حبيب]

مدباج حياك الله والعتب على النظر

شديد الباس يامرحبا والله خلك في صفي يارجال خلونا كلنا على الولهان

سمــــو الامير يامرحبا والله ولي الشرف طال عمرك



الولهان استلم لاهنت




بعض العرب يشرب وبه ناسٍ اٍحيام = ومن عين الصيده لربعه شواها



انا مع اللي حََكم الشرع باِ حكام = واهل البدع ياشيخ نلعن ثواها

[عـزام]

شديد الباس مرحبا ومسهلا

بس اذا جيت فى صفى خلك عاقل لا يطردنا المدير;)

سمو الامير مرحبا ومسهلا ويسعدنا متابعتكم يالنشاما.

حبيب حط التلفزيون على قناة السعوديه بجى قلطه بعد شوى عليها

واستلم لاهنت...



بعض العرب يسهر وبه ناس نيّام=ما تجتمع يا فلان لازم حداها

هذى حقيقه مابها شك واوهام=دنيا عريضه ما لحقنا مداها

[حبيب]

لاهنت يا الولهان

استلم طال عمرك



اشعيل بارك يا السنافي ولا قام = وبنت الهوى ماغيره احدٍ خذاها


الشله اللي جات بكلاش واحزام = ابسألك من وين جاها غذاها ؟

[عـزام]

استلم..........



شعيل ف يدينى وخازمه بخزام =ومعشوقته سلبة وعينه تراها

من الجنوب وشرق والا من الشام=ياللى تنشد لا تسوى سواها

[حبيب]

الله الله

استلم يا الولهان لاهنت


بعض السلع قشرى ولاهيب تنسام = خسارةٍ ياصاحبي مشتراها


يارقم يا اللي فارقٍ بين الارقام = نبا نختمها وننهي مداها

[عـزام]

طيب طيب يا حبيب.....


استلم وصح لسااااااااانك ولا هنت..............


لا هنت بس الوعد يا صاح قدام=عندك علوم وعاد علمى وراها

يالله تعز الدار وشيوخ الاسلام=وتحفظ بلدنا عن عبث من بغاها

[حبيب]

لاهنت ياالولهان ومشكور


وبيض الله وجهك

[عيد بن شدقان]

حبيب صح السانك
الولهان صح السانك
والله انكم جزلين
وسجلو متابعتي

وسلااااااااااااااااام