السرحان
21-10-2010, 02:22 PM
السلام عليكم ورحمة الله وبركاته
اخواني في منتدى قبيلة العجمان احببت ان انقل لكم قصيدة للشاعر علي بن عبيد بن فجيحة
يقـــــول فيـهــا::
قالوا العذال وشلك في هواها ياعلي
قلت انا لي في هواها نبض قلبي والحياه
وادري انكم يالعواذل ماتبون الخير لي
امحجاكم طاح توي ثم تبين ماوراه
المشاعر تشكي امن اللوم واقول ازهلي
دامني من ترثة اللي بان فعله فالشراه
يوم طلقات البنادق فالمواجه تصطلي
شفت ابن قذله بساحات الوغى يدحر عداه
فالعصور التاليه والا الزمان الجاهلي
شفت ابن الافجح يجيب الشيخ ويقطع اعراه
حن قبيله فعلها بحراً وموجه يذهلي
من نسل الاشراف ماحنا بمن ضيع نباه
من بني هشامً هل التاريخ والمجد العلي
ونرجع لـ يام الوفا والعز ونذري ذراه
انشدوا عن وقع سيفً في بزي الفيصلي
وانشدوا عن عهدنا معه ووفانا مع وفاه
والله ان رعى الردى مايظفر برجلً شلي
تاتي الدنيا وتقظي ماحدن يكسر عصاه
ذي منازلكم ليا مني رقيت بـ منزلي
كنها في عين نجم الجدي مقدار الحصاه
خالقي ربي خلقني مثل نجمً معتلي
يهتدابه فالليالي وتزين به سماه
يرصد الـ شيطان جنً قد عصى الله الولي
مير في شيطان الانس اقول ياصعب السواه
انزحوا عن درب فكري دام فكري مبتلي
ابتلا في سيد العشاق والعشق ابتلاه
ضاميً ساقه ضماه وماح فالبير الدلي
بير عشقً تسقي العاشق ولاتقطع ضماه
والهوى مايروي العشاق لوهو منهلي
بس والله واهني منهو من ازلاله سقاه
الهوى حمله ثقيل وناخ للحمل اجملي
احتمل جور السهر والبعد والوقت وجفاه
واحتمل سود النوايا مع لوايم عاذلي
واحتمل مالا يطاق ولا رجع عن مبتغاه
والهوى ياكم ترك صدراً من فواده خلي
راح به صياد الافئده على راحة يداه
والهوى سهمه خطيرً رخص سعره او غلي
واكثر اللي ساهموا به مستحقين الزكاه
لاجفاك الحظ ماينفع خوال ولا هلي
مايفيدك كون ربً ماقطعنا من رجاه
ياوليفي كان توحيني تسمع مايلي
فالهوى مالي وليفً غير واحد لاسواه
انت اخر من عشقته وانت عشقي الاولي
ياربيع افوادي ويافرحة العمر وصباه
ياعسى عشقي وعشقك بالنجاح امكللي
مبتداه الصدفه وتحت النصايب منتهاه
لاتروح شف ترى في يد هجرك مقتلي
وانت تدري بن وصلك لذة القلب وغذاه
اترك القارب على الشاطي تعال لـ ساحلي
اقبل اقبل ياصباح الخير والا يامساه
اقبل اقبل والغلا رحب وهو بك مقبلي
زاهيً لك عرش قلبي يوم غيرك مازهاه
واقرب اقرب خل عيني من عيونك تمتلي
خلها اتخايل بروق الخد وتقبل سناه
قرب بـ جمرة شفاتك للمشاعر تشعلي
لين تطفيها بـ ريقك وابردك يبقى صفاه
خل ليلك ياوليفي فوق متني يسدلي
واشبك اليدين خلف الليل لو زاد بـ دجاه
ياملاذ القلب لاقامت ضلوعه تهذلي
ضمه وضمه على صدرك ويلقى بك دفاه
للحشا في ضمة اثمارك مكان ومدهلي
الثمار الناضجه فالغصن من ساقي ثراه
لاوقفت بـ عودك اللي لانحيل ولاملي
كن رجلك بالوطا وايديك في متن السراه
ولاجلست اشوف باقي الغيد كنهن افللي
وانت برج دبي من فوق السحايب مستواه
فيك سيرة مهرةً على الحصان الاكحلي
اتبخطر بالمسيره لين تومي بـ القطاه
يسبقك ريح الغلا لو ان رجلك تمهلي
مادريت ان الزهر ياخذ من اعطورك شذاه
يامليك الحسن مامثلك شبيه ولا حلي
بالجمال اليوسفي راقي ولا غيرك رقاه
انت عندي شغلي الشاغل وجهدي وعملي
ساكنً طاريك في فكري وفكري مانساه
والرياح العاذله ماهمت احيود اجبلي
والعواذل يطلبون الماء من صم الصفاه
قالوا العذال وشلك في هواها ياعلي
قلت ويش الكم بشيً ماوصلتوا مستواه
اخواني في منتدى قبيلة العجمان احببت ان انقل لكم قصيدة للشاعر علي بن عبيد بن فجيحة
يقـــــول فيـهــا::
قالوا العذال وشلك في هواها ياعلي
قلت انا لي في هواها نبض قلبي والحياه
وادري انكم يالعواذل ماتبون الخير لي
امحجاكم طاح توي ثم تبين ماوراه
المشاعر تشكي امن اللوم واقول ازهلي
دامني من ترثة اللي بان فعله فالشراه
يوم طلقات البنادق فالمواجه تصطلي
شفت ابن قذله بساحات الوغى يدحر عداه
فالعصور التاليه والا الزمان الجاهلي
شفت ابن الافجح يجيب الشيخ ويقطع اعراه
حن قبيله فعلها بحراً وموجه يذهلي
من نسل الاشراف ماحنا بمن ضيع نباه
من بني هشامً هل التاريخ والمجد العلي
ونرجع لـ يام الوفا والعز ونذري ذراه
انشدوا عن وقع سيفً في بزي الفيصلي
وانشدوا عن عهدنا معه ووفانا مع وفاه
والله ان رعى الردى مايظفر برجلً شلي
تاتي الدنيا وتقظي ماحدن يكسر عصاه
ذي منازلكم ليا مني رقيت بـ منزلي
كنها في عين نجم الجدي مقدار الحصاه
خالقي ربي خلقني مثل نجمً معتلي
يهتدابه فالليالي وتزين به سماه
يرصد الـ شيطان جنً قد عصى الله الولي
مير في شيطان الانس اقول ياصعب السواه
انزحوا عن درب فكري دام فكري مبتلي
ابتلا في سيد العشاق والعشق ابتلاه
ضاميً ساقه ضماه وماح فالبير الدلي
بير عشقً تسقي العاشق ولاتقطع ضماه
والهوى مايروي العشاق لوهو منهلي
بس والله واهني منهو من ازلاله سقاه
الهوى حمله ثقيل وناخ للحمل اجملي
احتمل جور السهر والبعد والوقت وجفاه
واحتمل سود النوايا مع لوايم عاذلي
واحتمل مالا يطاق ولا رجع عن مبتغاه
والهوى ياكم ترك صدراً من فواده خلي
راح به صياد الافئده على راحة يداه
والهوى سهمه خطيرً رخص سعره او غلي
واكثر اللي ساهموا به مستحقين الزكاه
لاجفاك الحظ ماينفع خوال ولا هلي
مايفيدك كون ربً ماقطعنا من رجاه
ياوليفي كان توحيني تسمع مايلي
فالهوى مالي وليفً غير واحد لاسواه
انت اخر من عشقته وانت عشقي الاولي
ياربيع افوادي ويافرحة العمر وصباه
ياعسى عشقي وعشقك بالنجاح امكللي
مبتداه الصدفه وتحت النصايب منتهاه
لاتروح شف ترى في يد هجرك مقتلي
وانت تدري بن وصلك لذة القلب وغذاه
اترك القارب على الشاطي تعال لـ ساحلي
اقبل اقبل ياصباح الخير والا يامساه
اقبل اقبل والغلا رحب وهو بك مقبلي
زاهيً لك عرش قلبي يوم غيرك مازهاه
واقرب اقرب خل عيني من عيونك تمتلي
خلها اتخايل بروق الخد وتقبل سناه
قرب بـ جمرة شفاتك للمشاعر تشعلي
لين تطفيها بـ ريقك وابردك يبقى صفاه
خل ليلك ياوليفي فوق متني يسدلي
واشبك اليدين خلف الليل لو زاد بـ دجاه
ياملاذ القلب لاقامت ضلوعه تهذلي
ضمه وضمه على صدرك ويلقى بك دفاه
للحشا في ضمة اثمارك مكان ومدهلي
الثمار الناضجه فالغصن من ساقي ثراه
لاوقفت بـ عودك اللي لانحيل ولاملي
كن رجلك بالوطا وايديك في متن السراه
ولاجلست اشوف باقي الغيد كنهن افللي
وانت برج دبي من فوق السحايب مستواه
فيك سيرة مهرةً على الحصان الاكحلي
اتبخطر بالمسيره لين تومي بـ القطاه
يسبقك ريح الغلا لو ان رجلك تمهلي
مادريت ان الزهر ياخذ من اعطورك شذاه
يامليك الحسن مامثلك شبيه ولا حلي
بالجمال اليوسفي راقي ولا غيرك رقاه
انت عندي شغلي الشاغل وجهدي وعملي
ساكنً طاريك في فكري وفكري مانساه
والرياح العاذله ماهمت احيود اجبلي
والعواذل يطلبون الماء من صم الصفاه
قالوا العذال وشلك في هواها ياعلي
قلت ويش الكم بشيً ماوصلتوا مستواه