قبل ما انسى كلامي

[شيخ ال شامر]

يقول شيخ ال شامر


يدهمني الشعر لحظه وانتبه وانسى=انسى كلام(ن) قديم(ن) ودي اقوله
لا مر في الفكر عيني عافت الممسا=قدام عيني يمر ويختفي زوله
القلب من فرقاه عوّد قطنة(ن) ملسا=من كثر دقه عليه يذوب بسهوله
شوقي عليهم حجز في مهجتي مرسا=ومراكب الحب مليانه ومأهوله
بس تنتظر نظرة(ن) من عينه الخرسا=اللي بسببها حنايا الصدر معلوله
هي بس نظرة قبل ما خافقي يقسا=وانسى كلام(ن) قديم(ن) ودي اقوله

وسلامتكم

وما نستغني عن ملاحظاتكم

اخيكم

شيخ ال شامر

[فيصل بن حجرف]

السلام عليكم

صح لسانك اخوي شيخ ال شامر

ولو اني ماقول الشعر بس اشوفها حلوه والله
وانشالله نشووف جديدك

[cool]

السلاااام عليكم ورحمة الله وبركااااته


ومن قااااال سااااالم شيخ ال شاااامر اخي وصح لساااانك .

من طول الغيباااات جاااابك الغناااايم .

لا تبخل علينا ابو عبد الله بجديدك ولا عاااد تبطي لو سمحت :cool:


كـووول

[admin]

الله لا يهيينك

وصح لسانك يا شيخ ال شامر علي هالابيات

[شيخ ال شامر]

السلام عليكم ...................
مشكور اخي العجمان على مرورك واهتمامك .. وصح بدنك

مشكور يا كول على المرور وانا اخيك وصح بدنك وانا موجود يالغالي وامر حسب الظروف. وابشر بسعدك .. الجديد الجاي اهداء خاص لك انشاء الله.

ولا تهون يا بو فيصل وصح بدنك ومشكور على المرور

اخيكم
شيخ ال شامر

[F X R]

صح السانك يالشامري على القصيده الحلوه,,,,,

وبما أنك طلبت ملاحظات اخوانك.,فالشطر الأول من البيت الثالث مكسور وفيه خلل فالوزن

القلب من {فرقاه} عوّد قطنة(ن) ملسـا

ولكي يتظح معاك الخلل تغنى بالأبيات على اي لحن يركب معاها..

ودمتم