يا شعار روّحو علينا !!

[كساب النواميس]

السلام عليكم


كيف اخباركم , وعساكم طيبين


اقرب شاعر يبدع القاف

وانا في انتظاره


دمتم ......

[سلمان بن ضيدان]

أبدع قافك .. وتلقى من يرد عليك بإذن الله :)

[كساب النواميس]

عذراً على التأخير ماشفت ردك يا سلمان الا ذلحين

استلم//


يا لاعبين القاف صفو طوابير
تزهبو ذا الليل والحمل كايد

شاعر ولاهمي مقابل شواعير
وقافي على قاف الشواعير سايد:)

[كساب النواميس]

وين اللي يقول ابدع قافك؟؟

ترى النوم غلآآآآب .. الهماام

[سهيل اليمانيNDN]

مساءالخير

بالنيابه عن سلمان والمنتدى كافه

يامرحبا وإعداد ماغرد الطير

وإعداد ماتزهى الملاعب قلايد

لاكن توقع وإنتبه تعكس السير

حظك رمابك عند ضابط ورايد

[كساب النواميس]

عدنا من جديد ...!


استلم يا سهيل

7
7

وبكـ البقاآآ لكن ترانا مسايير
جيت اتجوّل واتغنى القصايد

وجيت اتفقد لابسين البساطير
وافند الوحدات جندي وقايد


ننتظرك يا سهيل @!!

[» ά6L8ħM]

متآإبعه !


صح لسآإنكمٍ

[سهيل اليمانيNDN]

مرحبا ياكساب

استلم

لاتحسبن الدرب زهر ونواوير

حذرى تقدم ياوسيع البنايد

قدمك ترى مطلول وطويق والنير

يعني الحقيقه مال مثلك فوايد

[محمد بن عرار]

الله الله

مبدعين ياشعار

واصلوا لا هنتوا :)

[كساب النواميس]

عذراً يالربع على التأخير
لكن مواصلين مع سهيل :)

استلم

ما ينفع الطالب رسوم الطباشير
مادامه مفهي وللدور عايد:)

لكن نصحتك عدة امرار يالزير
راعي النعامه لايشب الوقايد
:cool:

[كساب النواميس]

متآإبعه !


صح لسآإنكمٍ


يا مراااااااااااحب

وصح بدنش وكملي المتابعه

[كساب النواميس]

الله الله

مبدعين ياشعار

واصلوا لا هنتوا :)


ولاهنت على مرورك يا مفراص

وحنا مواصلين .. وعادنا بنتلاقى في محاوره انشاء الله:)

[سهيل اليمانيNDN]

مساء الخير للجميع

استلم ياكساب

سبورتك تحتاج دق ومسامير

حتى نسّطر في طرفها فرايد

(سهيل اليماني) وارداً جمة البير

ياللي علومك كلوبها برايد

[قناااص]

الله الله ابدعتم
واصلو الابداع
مرور متابع

[» ά6L8ħM]

كممملوآ


:)

[كساب النواميس]

استلم يامستلم

/
/

شبري مكانه في شبور المناعير
وعلومي السفره لاجاتك وكايد

ولا انت هش عظام مالك تبارير
ومانت بعلى كسب النواميس زايد

ياعم طير وودع القاف ثم طير
لا ياقصير الباع مالك سنايد

[كساب النواميس]

الله الله ابدعتم
واصلو الابداع
مرور متابع

الابداع هو تواجدك في متصفحنا

ويزهانا شرف متابعتك

وخلك مواصل معنا

:)

[كساب النواميس]

كممملوآ


:)


حآآآآظرين :)

[سهيل اليمانيNDN]

مساء الخير للمتابعين

استلم

كسّاب حثّلها بسوء التعابير

وازعج مسامعنا بهزل القصايد

قد قلت لك سقراط وهق شكسبير

الملعبه بيتين وأنته تزايد

_________________________________

[كساب النواميس]

يا هلا والله يا سهيل
:)

وهذي المحاوره يبيلها وسيع بآآآل

وصدقني تشرفت بالعب معك

واكرر شكري لك ولك لواحد مر وعلق

وسلااااااااااااااااااااااااااااااااااااااااااااااا متكم

اخوكم

كساب النواميس
;)

[سهيل اليمانيNDN]

مرحبا ياكساب النواميس

وأبشر أن خاطري وسيع , وبالعكس أنّا سعيد بهذه المحاوره ,

والشرف لي ياكساب , وتشرفت بمعرفتك , ومرحبا بك بين أخوانك

والشكر موصول للمتابعين

تقبل شكري وتقديري

أخوك / سهيل اليماني

[العز بالسيف]

كساب النواميس , سهيل اليماني
صح الله ألسنتكم , وبيض الله وجيهكم
تحياتي

:)