رح وأترك وبـ قلبي لك أربع معازيب ..(معزتك)&(طاريك)&(حبك)&(غلاتك)

[خيبت لي ظني]

لحظه قبل ماتطلب البعد وتغيب .. وتنهي معايه مرحله من حياتك

إخذ الهدايا والصور والمكاتيب .. دامي خسرتك مابي ذكرياتك

يمكن يكون فراقنا راي(ن) مصيب .. خيره كتبها الله جتني وجاتك

مع أدري إني أنت ماعنك تجنيب .. كنك موصيني وقاضب وصاتك

((رح وأترك بـ قلبي لكـ أربع معازيب ** معزتكـ ,, طاريكـ ,, حبكـ ,, غلاتكـ ))

وإن شفتني أجمع شتاتي ماهو عيب .. بكره مع الأيام تجمع شتاتك

وإن شفتني شايل جروح(ن) معاطيب .. بكره يصير الجرح أبرز صفاتك

الطب لو أنك تجازيه بالطيب .. ماكان تالي الطيب هذي سواتك

أكبر مصيبه في زمان العذاريب .. إني أحبك وأنت حبك لـذاتك

ياصاحبي لاصرت أغلآ الأصاحيب .. لاتزعل بـ كيفك وتطلب رضاتك

أنا حبيبك مبعد الشوح ماني بـ .. من ضيّع جهاته يدور جهاتك

شفني مقدر عند عكف الأشانيب .. ماني بـ من تومي عليه بـ عصاتك

رح للفراق اللي تركنا مصاويب .. شمّت عداتي قبل تشمت إعداتك

الله معك رح وين ماودك تغيب .. هذي حياتك وأنت حر بـ حياتك

الشاعر ثامر شبيب الدغباسي الرشيدي