قصيدة : لشيخ عامر بن جفن ال سفران

[الهتلاني]

لي فاطر مرباعها صار هجراع
ومقارف من شوف وراه حزينى

تذكرت فى مكرش الحبل مرباع
يبرى وخام اللى تجر الحنينى

ولا ناشت الوادى مع وقت الافزاع
استانست واصبح قرها سمينى

وادى المياه اللى لضرانه انواع
متخالف كنه بساتين تينى

ولا جالها بين الهياتين مهياع
ولا صدرت تتلى محجة معينى

يبرأ لها جمع لمشيه تهزاع
قدهم على سير الضحى داهلين

وحنا سكن هجر وكل لنا طاع
من عقب ال عريعر الا ولينى

ولا جاتنا بالهون من كل طماع
الا بيوم شيب المرضعينى

حامينها بسيوفهم كل قاع
وشيوخها ال معيض وحض زينى

ــــــــــــــــــــــــــــــــــــــــــــــــــ ــــــــــ

حمينها بسيوفهم كل قـــــــــــاع
وشيوخها ال معيض والحض زينى
ــــــــــــــــــــــــــــــــــــــــــــــــــ ــــ
اى والله والحض زينى
ــــــــــــــــــــــــــــــــــــــــــــــــــ ــ
منقول مع تحيات الهتلانى

[فيصل بن حجرف]

السلام عليكم
لاهنت اخي الليل على القصيدة الجميلة
والله يرحم الشيخ عامر بن جفن ويسكنه فسيح جناته
بس انت ذكرت انها منقوله ممكن تقول لنا من وين ناقلها جزاك الله خير؟ او هل هناك المزيد للشيخ عامر رحمة الله عليه

[عيد بن شدقان]

الليل
لاهنت وصح السانك
والسان الشيخ عامر بن جفن الله يرحمه ويسكنه فسيح جناته

[الهتلاني]

السلام عليكم
شكرا على مروركم والله لا يهينكم.

وبنسبه أخوى العجمان عن سوألك عن القصيدة منقوله من كراسه خاصه فيها
قصايد خاصه بالعجمان الأولين وبعض السوالف والمعارك .
بس فيها قصايدة ماتصلح للنشر وفى كذا قصيده لعامر بن جفن .
وسلامتك.