أكلي حطب !!

[النداوي]

اهد لكم هذه القصيده



[[حنا بدو دايـمٍ نمسـي فالأطعاسـي ]]




ديوان الشاعره الراسيه أكلي حطب !!


عرض القصيدة
أكلي حطب !!



بيت الشعر عنك مانوّيت بالتوبه=ولانويت أبتعد عن حمر الأطعاسي
أستهوي الضو بوجه البيت مشبوبه=وأستهوي البن يحمس وسط محماسي
وأشفق لشوف الغضى يبسٍ ومحطوبه= وشوف الدلال الصفر يبري تعوماسي
وأفرح بقرم(ن)يكر النار في ثوبه= وريحة غضاها يرد الروح لأنفاسي
وأسعد بشوف الحلال وحزة غروبه=الى ضوت للعشا تقرع بالأجراسي
والبل تبغي العشا ترغي ومشعوبه=والراعي اللي مع الحيران محتاسي
يازين شوفة نجوم الليل مصحوبه =مع بدرها اللي ينور عتم الأعماسي
ينعش فؤادي نسيم البر وهبوبه=وريح الخزامى الياهبت بنسناسي
والمهره اللي عسفها العود بسلوبه=من دون سرجٍ ركبها عالي الساسي
وشيهانةٍ للقنص تطلع ومطلوبه= تطلع بعيد وغلاها ماله قياسي
بنت البدو شيخة فطنه ورعبوبه=تعوذ من كل شيطانٍ وخناسي
الى لفا الضيف مثل البرق لهلوبه=سيفٍ تصاقل فملعب كل الأجناسي
ماعمرها جات مخزومه ومغلوبه=غندورةٍ والعقل أنفوذه سياسي
مرغوبةٍ حيل ايوالله مرغوبه=من مجلسٍ النشامى فيه جلاسي
يا نار أكلي حطب00 ماعندناتوبه=حنا بدو دايمٍ نمسي فالأطعاسي




الشاعر: الراسيه


تقبلو تحياتي
اخوكم / النـــــداوي
alanadawi50@hotmail.com

[اليامي]

لا هنت يالنداوي

قصه رائعه لكن ليست في القسم المناسب

[admin]

تسلم يا النداوي ولا هنت علي هذه المشاركة الرائعه
وصح لسان الشاعره الراسية وهي من الشاعرات اللي غنية عن التعريف والمتميزه بقصايدها

تحياتي لك

[الخريف]

يعطيك العافيه النداوي على هذي المشاركه

مشكووووووور

[العجمية]

صح لسانك اخي النداوي ومشكور عالاهداء

[ابن مفــلح]

صح لسانك ولااهنت ومشكور

[النداوي]

الاخوه والاخوات

يشرفن مروركم الكريم

اليامي = ابوفيصل=دموع الشوق=ابن مفلح=العجميه

وطابت اوقاتكم

تقبلو تحياتي

اخوكم / النــــــــــداوي