المساعد الشخصي الرقمي

مشاهدة النسخة كاملة : اقرب شاعر قلطه

ابن قهوان
07-09-2010, 07:53 PM
ياسلام الله سلامن فيه خير وفيه خيره.......من هجوسن تجبر الشاعر على حبك المعاني
ياولد لاتروح بعيد والدعوه كبيره...............المشاكل في حدودالجدي وسهيل اليماني
راعي المكسيمه
07-09-2010, 08:00 PM
مرحبا بلي سلامه في مثله وفي غيره..........سامعينه هالحين وسامعينه هالزماني
المشاكل خلت المره على حد الجزيره ................يضربون العشر فالعشرين وناتج ثماني
ابن قهوان
07-09-2010, 08:06 PM
انت عتيبي
راعي المكسيمه
07-09-2010, 08:16 PM
اي عتيبي
ابن قهوان
07-09-2010, 08:17 PM
يا عتيبي قصر الدعوى ترى الدعوى قصيره......لو زعلتو ياعتيبه ماتزحزح من مكاني
الليالي دخلتكم فالرحاة المستديره ................يا قصيرين اليدين ويا طويلين اللساني
الــــســنـــافــــي
07-09-2010, 08:50 PM
صح السانكم

ومتابع
ابن قهوان
07-09-2010, 09:01 PM
صح بدنك
راعي المكسيمه
07-09-2010, 09:29 PM
صح بدنك ولاهنت عـ الحضوور

تراني عجمي :eek:
ابن قهوان
08-09-2010, 01:05 AM
شباب بس واحد الي رد علينا
الصنفره
10-09-2010, 12:34 AM
ابن قهوان وراعي المكسيمه



الله يذكركم بالشهاده ذكرتونا بمحاورة سعيد ابن رحمه وحبيب العازمي :d


يوم قال سعيد :

يــا ســـلام الله ســـلام فـيــه خـيــرٍ وفـيــه خـيــره
من هجوس تجبر الشاعر على حبك المعاني
يـــا حـبـيـب لا تـــروح بـعـيــد والــدعــوى كـبـيــره
المشاكـل فـي حـدود الـجـدي وسهـيـل اليمـانـي



قال حبيب:



مرحبـا يـا اللـي سلامـك فيـه مثلـه فيـه غـيـره
سامـعـيـنـه هـالـحـيــن وسـامـعـيـنـه هـالـزمـانــي
المشـاكـل جـابــت الـمــره عـلــى حـــد الـجـزيـره
يضربون العشر في العشرين والناتج ثماني



قلت له:



يا عتيبي قصّر الدعوى ترى الدعوى قصيره
لـو زعلتـوا يـا عتيبـه مـا تـزحـزح مــن مكـانـي
الـمـشـاكـل دخـلـتـكـم فــــي الــرّحــاه المـسـتـديـره
يـــا قـصـريـن الـيـديـن يـــا طويـلـيـن الـلـسـانـي




قال حبيب :




انـــت طـرقــي إتـمــد الـرجــل مـــن ديــــره الــديــره
والسفينه في البحر ما بين خوف وبين اماني
الحقـيـقـه ثـابـتــه واثــبــت مــــن حــــزام الـذخـيــره
اسـمــعــوهــا بـــالاذانــــي يـاطـويـلــيــن الاذانــــــــي



سعيد



ابـك حنـا مـن رياجـيـل المواقـيـف الخطـيـره
ميـر يافـلان الفلانـي عـلـم فــلان الفـلانـي
نستر الدعوى ترا الاسلام وصى بالستيـره
انصحك وذكرك وانته على الموت تحداني



حبيب



والله وسبعيـن نعـم اللـي فقـد واحـد بعيـره
مايضيع جرتـه بيـن الضحيـه ورمضانـي
انته لامفتي البلاد ولانت شيـخ للعشيـره
شاعر نعطيك سبحه ثم مطرق خيزراني



سعيد



العتـيـبـي يـاعــرب يـعـمـل حـركــات كـثـيـره
عـادتــه خـفــة يـديـنـه والـزمـتــه مـايـدانــي
منهو اللي يوعد اصحابه ولاحكم ضميره
اشـهـدنـه بـهـلـوانـي فـالـزمــان البـلـهـوانـي



حبيب



اليـديـن الـلـي غنـيـه واليـديـن الـلــي فـقـيـره
ماتساوى لو تساوى كان ماشانـك بشانـي
انشد اللي ياكل من الحبحبه وانته خشيره
مير علك حبحبه وحده علـى خـط ذهبانـي



سعيد



ياقليلين البصر مدري قليلين البصيره
واحدة بين العيون واحده بين الاذاني
ياحبـيـب لاتـحـط الاولــه مـثـل الاخـيـره
الـكـلام الـلـي يقـولـه دورلـــه ترجـمـانـي



حبيب



الـبـلاد الـلـي تـقـول انـــك يـابــن رحـمــه سـفـيـره
صك عنك الباب وانته قد عملت خريب شاني
عـنـدنــا هــيــل وشــحــم مـاعـنـدنـا هــيــل وبــيـــره
وانـتـه لـيـش تخـيـر المشـيـه وتاخـذهـا اربعـانـي



سعيد



ياحبيب طيع شوري رد سيفـك فـي جفيـره
قـبــل لاذكـــرك بـاحــداث الـزمــان القـلـبـانـي
قدرنا سمن وسمين وسيرتك ماهي بسيره
ظـالـم حـظــك ولاتـظـلـم عريـبـيـن المـجـانـي



حبيب



جعـلـهـا عــبــره وتـبـقــا يــالــذي مـافـيــه غــيــره
ليـه يرجـع يشـري الاكديـش ويبيـع الحصانـي
شـكـل الـمـري بـنـوره والتـمـس سـلـك الظـفـيـره
لو اقول ازحف وراك شوي قال الموت جاني



سعيد



الـــعـــوازم طـلـعــوهــم فــــــي قـــنـــوات الــجــزيــرة
طامعين في الشّداد اللي على ظهـر العمانـي
انته تضحك والعرب فوق الجبل جاتك مغيره
مــيـــر هـــــون لاتــعـــورك الـلـيـالــي للهوانــــــي
سلمان بن ضيدان
10-09-2010, 01:17 AM
^
^
^

ههههههههههههههههههههههه
جااابها
الــــســنـــافــــي
10-09-2010, 01:56 PM
يعني الابيات مو لكم
ابن قهوان
10-09-2010, 02:52 PM
هههههههههههههههههههههههه

اي مو لنا لكن حنا ننقل بس :)
راعي المكسيمه
10-09-2010, 04:38 PM
ههههههههههههههههههه
اي مو لنا لكن حنا ننقل :d