اتحدى شعار المنتدى واللي يبيها يقرب جاي

[خيال البل]

اولا مساكم الله بالخير
ومشكورين على جهودكم الطيبه في هذا المنتدى الطيب
وانا عندي طاروق مروبع اتحدى فيه شعار المنتدى
البيت الاول:

ياسلامي عليكم وبعد الســــلام000فيه عضوجديد تحـــــدى الجمــــــيع
قال انا لزعامه تراني زعيــــــم000والزعامهًًًً ترىًمن نصيــب الشجــــاع


البيت الثاني:
نحتمي حدنا لابتي صلب يــــام000من حضر احتمها ولوهــــــو رضيـــع
ومن جهلنا عرفنا وقالو غشيم000يـــام يــــام العــريضه ومــنا استراع

اتمنى ان تكون اول مشاركه حسب المستوى المطلوب
والتحدي شريف ;);) ;);)
والميدان ياحميدان

[فيصل بن حجرف]

السلام عليكم
اول شي ارحب فيك اخوي خيال البل واتمنى اشووف مشاركتك في كل الاقسام

ثاني شي انا مانيب شاعر بس حبيت ارحب فيك واقولك مشكور على المشاركه الحلوه

عاد الشعار شكلهم نايمين الحين بس انشالله لا قرو موضوعك بيردون عليك باللي بيكون من نفس المستوى انشالله
ولك مني كل التحيه

[مـحمـد]

حياك الله يالشاعر

وانشالله تلقى من يرد عليك

وياليت تكثرون من المواضيع هذى لانها في الحقيقه تضع منهاج للتنافس الشريف وترسم الابتسامه على المشاهدين
وصح لسانك :)

[خيال البل]

العجمان يعطيك العافيه على هالمرور
وشلون تقول انا ماني شاعر كلامك كله شعر
ومشكور على المرور

[خيال البل]

الاخ العجمي شكرا على مرورك
والمنافسه موجوده وشريفه
بس الشباب ماشفنا ردودهم
وحنا لها بس الله الله فالصف
وابشر بسعدك :D:D

[الهنووووف]

مرحبا خيال البل

الحقيقه راح اسميك (((الزعيم))) بيتين ولا اروع .......... والنعم ببني يام كلهم
على فكرة .......... ان كان فيه خطأ في الوزن اي اي شي علمني واكون شاكره لك


يا سلام الله عدد ما كبر وقام ......... الامــام اللي علــى الدنيا شفيــع
يا مــدور للزعامــه يا زعيـــم ......... الزعامه تبي واحدن قرمن شجاع


الزعامه ماهي كلمه والسـلام ......... الزعامــه قــول وافعالــن تريــع
والزعامه فعلها ما بعد سيــم ......... ولا بعد جا من يقول انهــا تبــاع

[خيال البل]

ماقصرتي على المرور والرد
وصراحه ماحب تجريح المشاعر ;);)
والحر تكفيه الاشاره يالهنوف

[شيخ ال شامر]

السلام عليكم

مع وجود ملاحظات على ابيات الاخ خيال الابل الا اني سأرد عليه وعسى ردي ينال رضاه واستحسانه والجميع لا هانوا
اقول

رد قولك سلامٍ يتبعه الاحترام @@@ مرحبا بك عدد ما بان عشب الربيع
الزعامة فهامة وافتهم يا فهيم @@@ ومن يضيّع دليله انقلب ثم ضاع


جدي عجيم قبلي منحدر من هشام @@@ يام يا يام يادرع الرجال المنيع
يام يبطي من يعاديها سقيم @@@ يدفنونه وطعناته من ايدينا وساع

تحيــــــــــــــــــاتي
اخيك
شيخ ال شامر

[خيال البل]

شكرا على الرد يا بن شامر
وودي انك بينت الملاحظات
باختصار حط النقط فوق الحروف
وانا اتقبل النقد اذا فيه نقد هادف
اما بالنسبه لابياتك مو على البحر اللي انا جايبه
والبحر هذا مبتكر من شاعر يام ولعب مع خلف بن هذال عليه
محاورتهم المشهوره وشاكر لك المرور والرد

[فراس]

مرحبا اخوي خيال البل ..

وبيوت موزونه ووافيه بس صعبتها وانا اخوك

مرحبا مرحبا في محل الكرام ...يا عميلن يهرول والا هو سريع

والزعامه لهلها ترى من قديم ..مير ريح ..وروح ...وفل الشراع

الثاني

نعم فيكم وفينا وحنا السنام ..والا تعصت عليكم.. ترانا ....نبيع

وامسك العلم مني وخلك حليم ..قد تسمى وسمي بشيخ الطباع

[خيال البل]

لاهنت على الرد

واستلم:
البقا يا عميلن بدا بالخصام000مادرى حصننا بالمعارك منيع
ياعميلي ترى منت لي ابخصيم000خل عنك التغطرس وخل النزاع

البيت الثاني:
المطيه ترى مالها الا الخطام000وكل عاصي عصا لي عصانا يطيع
ياسنام المطيه ليا جاك ضيم000لابتي فالمعارك ضواري جياع

[فراس]

حلو حلو

الفشق يا عميلي بعد في الحزام .. لا تهاب الخطر وانت رجلن شجيع

والصبي عندنا لا تعدى الفطام .. صار اخو ...لذيابه .....واخو لسباع

الثاني

القوافي جنودي.. وتعطي التمام .. لا زهمت القوافي تجيني تبيع

وما يجيب المطر كود دعوة كريم ..يا الله اني طلبتك حقوقن وساع

[خيال البل]

تو زان الليل والنقض والفتل يافراس

واشتلم

الفشق فالمحازم ولكن حرام .... راحو اهل المحازم هجيج ٍ قطيع

ماحدٍ يامن الذيب كانك فهيم 0000دربك اللي مشيته ترى هو ضياع
( في بيتك الاول الشطر الثالث غلط في القافية وفي بيتك الثاني دفنة مدري انت فاطن لها والا رمية من غير رامي ولكن بارد عليها )

البيت الثاني :

اتبعك عقب صليت وشفتك لامام000وكتبتها الجرايد وذاع المذيع
قام ينفخ وانا اقول له يا شريم000كلت كيلي وكيلك ترى بالف صاع

[فراس]

يا سلام يا سلام

من عشق لا سمع صوت ورقى الحمام .. لا سجع ماع قلبه وروحه تميع

مستصيب الهواء... مثل طفلن... يتيم .. .مر يبكي.. ومرات ...يربع رباع

الثاني

درهمي يا ذلولي علي الحرام ..... مرتعش وان بغيتي في وسط الربيع

واحفظ السر لا تلتفت فا الحريم ..من عطى البيض سده على الكل شاع

[المعنى]

السلام عليكم ورحمة الله وبركاتة هذة اول مشاركة لي معكم واتمنى ان افيد واستفيد واخبركم اني قد اطيل عليكم في بعض الردود لكثرة اشغالي ولكم مني جزيل الشكر.
مرحبا عد ماهل وبل الغمام........بالشواعير واللي لهم بالنت ذيع
قالها اللي تعنى بحب العديم.......الذي جل شعره وسط نجد ذاع
........................
اخبرو يام واللي بيامٍ يهام.........أنً جن الشعر.. للمعنى يطيع
واحذرو ياجماعة...غشى الجو غيم......عادة السيل..طم السهل والرفاع

[المعنى]

مرحبا عد ماهل وبل الغمام........بالشواعير واللي على النت ذيع
قالها اللي تعنى بحب العديم.......الذي جل شعره وسط نجد ذاع
........................
اخبرو يام واللي بيامٍ يهام.........أنً جن الشعر.. للمعنى يطيع
واحذرو ياجماعة...غشى الجو غيم......عادة السيل..طم السهل والرفاع

[خيال البل]

خلوها
اسف عن الانقطاعه
يعطيك العافيه اخ فراس على ردودك الحلوه
وتسلم المعنى على الرد بس حاول مره اخرى الوزن ما خدمك هالمره:D:D

[فراس]

يعافيك اخوي خيال البل ..

وفرصه طيبه يا طويل العمر وسمحنا على القصور .

[خميس سحمي]

يامرحبا بلي ايخبط بالكلام----تراني من قومن يحبون الصنيع----ومايمسك الزعامه الا شخصن حشيم----ومن مدلك شبر وسدله الذراع----احرص يامتحدي ياغايص بالهيام----وضنتي طحتلك في سدن منيع----مايطلب الزعامه مخاوين الحريم----وما يفلح بالزعامه من خاوا الرعاع(((وارجو ان تتقبلها بصدرن رحب لان المحاوره تتطلب الهجوم والدفاع)))وشكرا لاخوي خيال البل

[عيد بن شدقان]

خيال البل
صح السانك
وانت داخل حامي
وابشر بالرد
الاول
ياسلام اخلص ترا عقبك كلام**** فيه واحد جاينا شكله صديع
ايتحدى ويتعزوى بالنظيم**** مادرى انه طاح بيدين السباع

الثاني

ولحتما دخانها صحنا بيام****ويل منهو جاينا يبغا قطيع
بنذبحه ونذوقه سم السقيم****ومادرى انا ناويينه بانقطاع


وسلامتكم

[خميس سحمي]

ياسلام على هالابيات الجميله من الجميع/ياخوي ياخيال البل/ننطر تعقيبك على الرد لاني اول مره اشارك بالبيت لمروبع وتراني مبتدأ بالمحاوره

[البخيت]

صح اللسانك يافراس واصل وصح اللسانك ياخيال البل ملاحضه بعد اذنك ياخيال انقض البيت مايحتاج تعليق وضحلك الاخ فراس