تعال يا الولهان قلي وش حصل

[الأسد]

الولهان مساك الله بالخير
قرب لا هنت فنجال وعلوم رجال؛؛؛
سلام تسليمه وأنا رجل(ن) عجل=تسليمة(ن) لأهل القلوب الصافيه
تعال يا الولهان قلي وش حصل=هات العلوم اللي علينا خافيه

[عـزام]

مرحبا يا الاسد...ومسهلا

وانا البارح طلعت وتوني اشبك واسمح لي على التأخير

استلم طال عمرك



يامرحبا ترحيبتن على مهل = تعم كل اهل العلوم الوافيه


مالي بها ناقه ولا فيها جمل = ناسٍ مشت حذيا وناس ٍ حافيه

[فلاح ال مخلص]

مالي بها ناقه ولا فيها جمـل
ناسٍ مشت حذيا وناس ٍ حافيه


الله الله يالولهان



انااا في صفك



ضد الاسد

[الأسد]

يا مرحبا بك ملايين علي الطلاق إني صادق
بيت العسل لقيت به ثوم وبصل=والبنك يرفض يدعم الصرافيه
الياور الجرباء قريب إبن عجل=لو تسري الظلماء معك كشافيه

[الأسد]

فلاح
هلا بك ومرحبا يا الذيب
وأنا بعد بصف الولهان يستاهل

[عـزام]

تبقا ملايين يا ابو محمد وانا بعد والله صادق

وفلاح ال مخلص اررررررررحب يالسنافى ويشرفنى مرورك ومتابعتك لنا

استلم طال عمرك....



بيت العسل به عودٍ أزرق مع فجل=والبنك يصرف كل عمله هافيه

كل الدعاوى يا عميلى تنفتل = واكبر دعاوينا تراها عافيه

[الأسد]

هلا بك و أستلم
الحنظله من دسها وسط العسل=ماني معودها علي المحرافيه
الناس هذا الوقت تبحث عن عمل=إخلاف وأنت أ تقول ماش إخلافيه

[عـزام]

مرحبا واستلم لا هنت...


ترى الخطا مشروك ذا حكم العدل = ومن ما جرى يا صاح يكفى كافيه

قالو الحصان ليا عثر قام وصهل= وأنتو حصن يا أهل العقول الوافيه

[حبيب]

الله الله

صح السان الشعار متابعين

[الأسد]

هلابك وإستلم لا هنت
خلاص يا القاضي تري حكمك قبل=سبل علي ما قيل صرف القافيه

أرخ الحبل مره وأنا أمس الحبل=والعرف ما يعرض علي العرافيه

[الأسد]

حبيب
هلابك ملايين وخلك بصفي الولهان بصفه فلاح:)

[عـزام]

مرحبا بك يا حبيب وما عليك منّه تعال بصفى ذا لحاله ما يحتالون فيه انس ولا جان:)


واستلم لا هنت...



يا إبن منيخر يا الفحل ولد الفحل=ما خاب ظنى كامل الاوصافيه

انقد لى القيفان وتجيكم دبل=والنار مشبوبه ولاهى طافيه

[الأسد]

هلا بك يا الولهان ما عليك زود

أستغفر الله لو قلت أمن الرسل=طيب وتكرم كل ضيف(ن) لافيه
وردت موج البحر يخلف للعقل=عساك تغرف بس للغرافيه

[عـزام]

استلم لاهنت ...

غصنا البحر والبر دجناه برجل \\\ عساك توصل بس لو محذافيه

منصور أظنّه تالى الوقت انهبل \\\ من يوم قفّا مع عصابة مافيه

[الأسد]

الله يا بو زيد أثر منتب سهل=ترضيكم الأرباع وألا أنصافيه
صدقت من هو قال لك هذا خبل=والمسلم بمكه مع الطوافيه

[عـزام]

استلم لا هنت...

دروبنا يا صاح لا ما تنجهل \\\ تشهد لها العجمان والاحلافيه

قم صل للمعبود ركعه وابتهل \\\ ثم احمده على جميع اعلافيه

[عـزام]

صح السااانك يا ابو محمد ولا هنت

وتصبح على خير وراى قومتن الصبح بدرى

[الأسد]

أستلم لا هنت
وهات بيتك وما قصرت لا هنت تصبح علي خير



لا ثارت الهيجاء بطل وإبن بطل=يفداك ولد اللاش ما ينشافيه
أصرف ذهب لأهل الذهب مأصرف هلل=زكاة مالي للفقارا ضافيه

[الأسد]

الولهان كتبت البيوت ما شفت كتابتك لكن طافت يا ونيان:)
تصبح علي خير لا هنت

[عـزام]

طيب طيب يا ابو محمد

استلم وصح لساااانك..........



أنتم وحنّا حالنا حال الجبل=والقاع ترجف لا مشينا ارجافيه

استغفر الله من الخطايا والزلل=صدّرت عقبه حان وقت انكافيه

[عيد بن شدقان]

الله الله
عليكم
والله انكم اطربتونا
صح السانك يالاسد
صح السانك يالولهان

لاهنتو

[فلاح ال مخلص]

بيض الله وجيهكم






جزززززززززززززززززززززززززززززززززلين




وابيات جميله ومعنى اجمل



لاتحرمونااااا من القلطات اللي مثل ذي;);)

[الأسد]

ذياب وففلاح ال مخلص
مشكورين علي المرور والتعليق الولهان لا هنت