تعال يا الولهان

[حبيب]

مساكم الله با لخير جميع

حبينا نلعب معكم يا شعار لان صراحه لعبكم

لعب شعار بمعنا الكلمه


"]
سلام الله على الشعار والحضار والزوار= عدد ماهبت الانسام والدعوى سعوديه


تعال يا الولهان في الميدان وانته المختار= تفضل والوعد قدام والدعوى سعوديه

[عـزام]

مرحبا مسيت بالنور والرضا

الله الله يا حبيب

استلم طال عمرك...


هلا يا مرحبا بك يا حبيّب مكرم الخطّار= عدد ما خطّت ألأقلام... والراية سعوديه

لفينا يا السنافى برز الدلّه وشب النار=وهات العلم يا الضرغام... والراية سعودية

[حبيب]

الله الله

استلم يا الولهان

سمعَنا يا السنافي با الخبر في موجز الاخبار = سمعَنا قصة الاعدام والرايه خليجيه

الاياصاحبي با للَه قلي وش حصل وش صار = بعد ماطحتوا ابصدام والرايه سعوديه

[عـزام]

طيب طيب استلم لا هنت...


ترى بعض السوالف يا حبيّب مالها معبار= كثير الهرج فيه افلام...والراية سعودية

زعيم القوم عوّد فى الجحر كنه سواة الفار=نهاية ظالم الايتام... والراية سعودية

[حبيب]

الله الله يا الولهان

استلم لاهنت




توقع لاتبعَدها وتبلشنا مع الاشرار=عسى الله ينصر الاسلام والرايه سعوديه


انا اسأل ويش قصتكم مع البركان يومه ثار=بعدماقاشر النيام والرايه سعوديه[/

[عيد بن شدقان]

الله الله
يااااااااسلاااااااااام
صح السانكم

[حبيب]

لاهنت يا الراكد

اسعدني مرورك

تحياتي

[عـزام]

استلم يا حبيب لا هنت.....



تنشّد وانت ما تجهل ولكن تبحث الاسرار=دعاوى بين يام ويام... والراية سعودية

سحابة صيف عدّت مابها رعّاد ماش أمطار=كريم وعند ربع إكرام...والراية سعودية

[حبيب]

الله الله يا الولهان

استلم



توكل حلها ياشيخ وانت الكبتن الطيار=تراها زلت الاقدام""والرايه سعوديه


اثر بعض الخيال اللي نشوفه يالصحيب اعصار= وعدا كنه الاحلام ..والرايه سعوديه

[عـزام]

طيب طيب يا حبيب

استلم لا هنت....


أنا مانى منصّب يا حبيّب قاضىٍ فى الدار=ولا فيدينى الاختام...والراية سعودية

تهوّل يا عميلى تبدع القيفان يا البيطار=حقيقة فارس(ن) همّام...والراية سعودية

[هند]

مساء النور والسرور

الأخوة ..،
حبيب ؛؛ الولهــــان
صح لساانكم


لكما تقديري
السؤدد

[حبيب]

الله الله يا الولهان


استلم جعلك تسلم
وعذرني على التاخير يا الولهان لني رحت من النت



تراك انت المرشح للمهمه ياعزيز الجار=تنفذ واحتزم بحزام والرايه سعوديه



شهاده نفتخر فيها من اهل الطيب واهل الكار=سياسي في البحر عوام والرايه سعوديه

[عـزام]

الراكد + السؤدد

صح بدنكم ويسعدنى متابعتكم لنا

معذور طال عمرك والله انى اليوم طربان للعب وفاضى والله جابك ونستنا الله يونسك


استلم طال عمرك...


سمانا جوها صافى ولا فيها مطر وغبار=ولا يحتاج زود اعلام...والراية سعودية

قريت الخط مضمونه بدا بالطيب والأعذار=ومن لا يقبله يلاّم...والراية سعودية

[حبيب]

الله الله يا الولهان


ترا ماصار ولى ياعميلي والكبار اكبار=تحول شرق ولا شام ::والرايه سعوديه


قريت الخط يا الولهان والله واحد"غفار=عساها تشرق الايام ...والرايه سعوديه

[عـزام]

صح لساانك يا حبيب وبيض الله وجهك

استلم لاهنت...



صدقت بكل كلمه قلتها يا وافى الاشبار=وفى الاخر عيال اعمام...والدعوا ختاميه

ونختمها بذكر الواحد الجبّار والقهّار=تحية للجميع ختام...والدعوا ختاميه

[حبيب]

الاخ الولهان تصبح على خير

تشرفت ب اللعب معك واستفدت منك وعزه انك شاعر جزل ووافي


لاهنت وتقبل تحياتي