فلاح أل مخلص يا فلاح

[الأسد]

فلاح أل مخلص
أقلط القهوه جاهزه فنجال عقب الترحيب؛؛؛
يا سلام الله سلام(ن) علي سمن وسمين=والأمانه كل ليله مع مامونها
يا فلاح أردوا علي الماء ترانا واردين=أنت خلك من وراها وأنا من دونها

[فلاح ال مخلص]

ارررررررررحب



واستلم



مرحبا والشك نبتر حباله باليقين
حالف ان ارد على جمة تردونها

والله ان امانة الله تسر الناظرين
لين تنظر في نحرها وسود عيونها

[الأسد]

هلا بك يا مرحبا وأستلم؛؛؛
البقاء بك وأنت طيب وأحب الطيبين=والرجال الطيبه ما تخيب إظنونها
الليالي مقبله بعد مديت اليمين=والعرب يا بو هلا لا تروح إظعونها

[فلاح ال مخلص]

ويييييييييييييين


رررررررررررد الاسد



مايطلع عندي



عد ردك يالاسد


نزززززززله ثاني مررررررررررره

[فلاح ال مخلص]

خلها مابيننا ياعشير الغانمين
لاتخلي شلة ابليس تطلي كونها

فعل ابو زيد الهلالي نعيده كل حين
وين راح ذياب له قصة توحونها

[الأسد]

السوالف بيننا للعواذل ما تبين=والوعول إن شفتها طقها بقرونها
غاب أبو زيد الهلالي وجاء وقت الحصين=والذيابه كل ليله تحد إسنونها

[فلاح ال مخلص]

الله الله




حي ذااااااااااااا الشوووووووووووووووف


من القصيد الطيب


والابيات المليانه

[فلاح ال مخلص]

اختلط سعر الرخيصه مع السعر الثمين
والسوالف قبل تبدونها تقرونها
السوالف وين ياشيب عيني وانت وين
ليه ماترجع لعود عرف مكنونها

[الأسد]

أنت جر الصوت جره وأنا شوق وحنين=أتهيض للنشاما وأجر ألحونها
هيه يا ذيب الغداري توسطت القطين=كان شفت عيونها جرها بردونها

[فلاح ال مخلص]

ههههههههههههههههههه



استلم

والله ان ابعد عن الدار من جور السنين
وانزح لدار تشوق العيون فنونها
وانت خلك في محلك على عسر ولين
لين تكره زول ليلي على مجنونها

[الأسد]

الله إنه يا السنافي علي بعدك يعين=قلتها لك يا ولد والعرب يقلونها

كان رحت اليوم عني تري ضلعي متين=واليتيمه يا بن عمي نمشي شونها

[فلاح ال مخلص]

والله اني خابر ان القمر والفرقدين
وادري انك من ورى هقوتي وضنونها
لكن احذر يابن عمي ترى هم حاسدين
عمتك بقعى تشيل الردى بمتونها

[الأسد]

البدر ينشاف لامن نظر في نصف عين=غير بقعاء تشتكي من يسد إديونها

الحسد والحقد مالي قلوب المبغضين =والحصاني قدمنا صفرت طبلونها

[فلاح ال مخلص]

لازم نسوي لبقعااااااااا يابن عمي كمين
لين تنسى ربعها قبل لاينسونها
لكن ابغا ادري من المفطرين الصايمين
وانت مزبان القبايل وعونك عونها

[الأسد]

خل بقعاء إحسابها عند رب العالمين=نخلة(ن)يا صاحبي مائل(ن) عرجونها
شفت واحد فايته من صلاته ركعتين=والقبايل كلنا نفتهم قانونها

[فلاح ال مخلص]

بيض الله وجهك






والله لايهينك






وتشرفت باللعب معك واشهد انك جزززززززززززل


واستفدت منك يالذيب

[الأسد]

فلاح أل مخلص شاعر معروف علي الساحه المرئيه والمقروءه وشهادتي
فيه مجروحه علم من أعلام الشعراء بشهادة الكثير من كبار الشعراء،،،
لا هنت وبارك الله فيك؛؛؛

[وردة&العجمان]

صححححح السااااانكم

جميييييييعااااا

وجمييييعكم شعراااااااء


وبيض الله وجيهكم:)


تحياتي

وردة&العجمان;)

[راكان اليامي]

لاهنتو لاهنتو يالربع اشهد انها محاوره طيبه بس ياليت انها طولت
وصح الله السنتكم جميع

[عـزام]

صح السنتكم يا شعار

و لا هنتو

[البليهي]

اللة لايهينكم وماقصرتوا

[الـــكايـــد]

صح الله السنتكم

ولاهنتوووووووووووووووووووووو


يا شعار

جزلين

[راعي الدهما]

صح السنتكم جميعا

محاورة رائعة جداً