يا شديد الباس قم والملعبه بينك وبينى

[عـزام]

السلام عليكم

واستلم يا شديد الباس لا هنت...



من هجوس الشاعر اللى يبدع القاف السمينى = يا سلام الله عليكم عد ما هلّت مزونه


يا شديد الباس قم و الملعبه بينك وبينى =حالف(ن) ما العب مع اللى ما تونسنى لحونه

[حبيب]

من هجوس الشاعر اللى يبدع القاف السمينى
يا سلام الله عليكم عـد مـا هلّـت مزونـه


يا شديد الباس قم و الملعبـه بينـك وبينـى
حالف(ن) ما العب مع اللى ما تونسنى لحونه

الله الله صح السانك يا الولهان في انتظار شديد الباس وانا ترني في صفك:D

[قطاع الخرايم]

الله لايهينك على القصيدة الجميلة وتسلم000

[الأسد]

الولهان وشلونك عساك بخير
الوسم اللي عندك عساك حافظه
أبشرك ا لأمطار علي الشمال من الحفر وغاد
هات الذود يا السنافي؛
وأنا بصف شديد الباس ضدك يا الولهان:)
أنا أخبرك محارب علي عدة جبهات:)

[محمد أبو زيد]

السلام عليكم


ياسلام يالولهان استلم لاهنت


من هجوس الشاعر اللي كل صلبٍ له يليني &&& مرحبا بك يالمسلم والسلامه والمعونه

العرب غنوا بزامل وانت غنيت الهجيني &&& لاح برقٍ فوق راسك والرعد والسيل دونه

[محمد أبو زيد]

مرحبا بك مليوووون يالاسد


لي الشرف لاقدك في صفي



لاهنت لاهنت

[عـزام]

حبيب

قطاع الخرايم

الاسد

لاهنتوا على مروركم....ونتشرف بتواجدكم


الاسد :)

الوسم حامي.... والله يرجع للمسلمين...

[عـزام]

يا مرحبا يا شديد الباس

واستلم لا هنت




العوارف ما تعرف كان لك قلبٍ فطيني =لاتسوي مثل من هو طق بيدينه عيونه

أخذ علم وهات علم وعندي الهرج الثميني = ما خبرت الضيف ينشد قبل ما هم ينشدونه

[محمد أبو زيد]

استلم يالولهان لاهنت



في صحيح الترمذي وايضا رياض الصالحيني &&& العوارف بالعوارف كل بيرٍ ياردونه

في مـحلـي عنـد ربعـي ياعشـير الغـانيمينـي &&& من تقلد له ذهب ياربعنا وش تنعتونه ؟

[عـزام]

استلم يا شديد الباس لا هنت...



أنت تقرا للبخارى يا ولد والا الخمينى= يقطع الله مذهبه ما يحفظ العهد ويصونه

الذهب للتاج والا الدرع والسيف السنينى=ذا وسام وتقصر خطاكم قبل لا تاصلونه

[عيد بن شدقان]

الولهان صح السانك
شديد الباس صح السانك


واصلوووووو
وتراني متابع معكم

[هند]

الولهـــان ..، شديد البأس

صـــح لسانكم
أمتعتونــا



السؤدد

[محمد أبو زيد]

الله الله


ناسف على التاخير يالولهان


كل مسـلم يـاوسيـع الـعرف ربعه مسلـميني &&& وانت مسلم ربعك اللي كل ناجح يطبخونه


منتدى العجمان دلوه جاب ماي وجاب طيني &&& ماتصفيه المصـافي والعـرب مـا يشربـونه

[عـزام]

الراكد + السؤدد

صحت ابدانكم ولا هنتو على المرور والمتابعه

ومعذور يا شديد واستلم طال عمرك.....



يا شديد الباس والاسلام دين أحمد ودينى= مسلم وربعى ليا اخطى كل عايل يلطمونه

خطكم لو شان كتبه جعل حالك ما يشينى=والله انى جايزن من مدحهم لو يمدحونه

[محمد أبو زيد]

استلم يالولهان



العلـوم كثار لكن الاسـد وسـط العرينـي &&& البلا في الراس يالولهان ولاّ في متونه؟

راحت الحصه ولا شفنا جواب الدارسيني &&& ياسلام الله على اللي بالاشاره يفهمونه



وصح السانك ولاهنت يالولهان

[عـزام]

صح لساااانك ولا هنت يا شديد الباس

وبيض الله وجهك يالسنافى


تقبل تقديرى وتحياتى:

الولهان

[مصلح]

أنت تقرا للبخارى يا ولد والا الخمينـى
يقطع الله مذهبه ما يحفظ العهد ويصونه

الذهب للتاج والا الدرع والسيف السنينى
ذا وسام وتقصر خطاكم قبل لا تاصلونه


هههههههههههههههههههههه

ما شاء الله عليك

صحح لسانك مليون يا عزام وصح الله لسان ابو زيد عز الله انها محاوره قويه
لاهنتوا