وش قصتك يا الصيف؟؟؟؟؟

[اموت واحيابك]

بسم الله الرحمن الرحيم

صباح الخير ..





وش قصتك يا الصيف وش هالحراره؟
زودن على الكتمه تجينا رطووبه!

في وسط ديره ما تعرف الحضاره
ياخوفي اللي صار فينا عقووبه

ناس بهالتكييف وسط العماره
وناسن تروح بعيد خلف العروبه

خلود وسط جنيف مع بنت ساره
ونوره بوسط السوق لجل الخطوبه

وخالد سرى لعمان عنده زياره
وسالم جلس بالبيت يندب رسوبه

وامي بوسط الصبح مع كل جاره
شاي وحليب وخبز وحكي وعذوبه

هذا حليب نياق وسط الغضاره
وقرص وسمن ورقاق وشوي روبه

تاره سوالف عرس وتطليق تاره
هذي تقول الصدق وهذي كذووبه

وانا بوسط الحر لابس وزاره
ماني متحمل جور نارن لهووبه

جالس بوسط البيت انفض غباره
مابي اشوف وجيه ناسن نشوبه

متى يجينا البرد وين البشاره
واطلع انا للروض ,وارقب خصوبه

امشي بوسط العشب والمس خضاره
نوبن بحدر الطعس وبالضلع نوبه

واجمع غضى مع رمث واشب ناره
وارقب شروق والشمس وارقب غروبه

يالله يامنجي نبيك بقاره
ترفق على ناس هلكو بالرطوبه



مما تصفحت

[ديقول22]

صباح الورد , ,


ابيات تعبر عن واقعنا . .
لا هنتي يالغاليه . .

[» ά6L8ħM]

صح لسآإن شآعرهآ


يسسلموؤ

[[ بلآ خطيه ]]

صح لسـآن شـآعرهـآإ , !


ولآ هـآن نـآقلهـآإ , !

[غنآتي]

صح لسانك

. . .

[الاحرش]

صح السان شاعرها

ولاهنت على النقل

وتقبل مروري

[عـآزمـي الـنـقـيـرهـ]

صح السانك والسان شاعرها

[عجميه ما تهاب]

صــــح الســـانــك لاهنــت وتقبل مروري

[مدهال^الموت]

الله لايهينك علي هالقصيده الطيبه


ومهيب غريبه منك

تحياتي
مدهال^الموت