يجي شاعر من الشعار دام اللعب مجاني

[محمد أبو زيد]

السلام عليكم

مشاركه بسيطه


سلام الله سلامٍ نبتدي به ثم يطيب البال &&& يجي شاعر من الشعار دام اللعب مجاني
علوم القوم راحت مثل دلوٍ يلتطم بالجال &&& يدورن الليالي والعشا للذيب سرحاني

[البركان الثــائر]

وعليكم السلام ؛؛


هلا يا مرحبا بك والضيافه فالها فنجال=لعلك تشرب الأول لعلك تشرب الثاني
عسي الافي علي الديره يشييل أمن الحمول أثقال=يسرحها علي القاصي يضويها علي الداني

[البخيت]

عليك السلام والرحمه

ورد وبسيط


يامرحبا ترحيب وافي مني لاجاله مجال&&&لاصار اللعب مجاني يجيك السيل من داني

الدلو يسحب بالرشا وانت مقيد بالحبال&&&الذيب منا وفينا وذا جيت العشا جاني

[البركان الثــائر]

البخيت ما يصير

هذا أكبر خطأ الواحد يدخل علي أثنين يلعبون

وبعدين ييوتك مكسوره و الصراحه راحه

[البخيت]

آسف يالبركان ماشفت ردك

وشديد الباس يقرا البيتين ويرد عليك ولا علي

والمنكسر بكره عن امر اللّه يجّبر


البخيت

[البركان الثــائر]

حنا ما حنا غنم يتخير فينا شديد الباس
والمنكسر ينجبر ما عدا كسر القاف لكن خلك متفرج وتعلم
من الشعار؛؛؛:mad:

[محمد أبو زيد]

الله الله يالثاير :)

انا ادورك وانت تدورني



يدوم ابـك الـبقا والرجلي اللي يـنطح الخيال &&& ترى فاله مع الفراسان فال السيف شاماني


تقوله وانت اظنك منت لا شاوي ولا جمّال &&& ولــكن عــوّذ الشيــطان ياخـاتــم سليـمـاني

[البخيت]

يالبركان اناقلت يرد علي والا عليك

ولا الغنم يرد

على كل حال تكرم من (المعزه)و(الظان)


ومنكم نستفيد

[البركان الثــائر]

شديد الباس جاك البركان الثائر أحسن لك صاحبه:)



تري الجهال هذا الوقت شرهتها علي العقال=وأنا لو قلت معتق قلت هذا جو ساقاني

نصيحه يا شديد الباس جنب لعور الدجال=وأنا مسلم علي المله ما أدين بدين نصراني

[البركان الثــائر]

البخيت حنا نعرف االمعزي والضان والذيابه
لكن أقولها لك بكل صراحه منت شاعر لكن ريح نفسك وتعلم من الشعار ما هوب عيب؛؛؛

[الذيب]

ياسلام
الله الله
البركان الثائر صح السانك

شديد الباس صح السانك

واصلو وتراني متابع معكم

[محمد أبو زيد]

اللي انعرفه ان البركان يثور ثم يركد والى منه جاني بشره بالشبب ;)


تـرى (حسني مبارك) لـو يـبدل بالجنيـه اريـال &&& لقيته فـ ( التريبي ) يحسب انه جو ( فيحاني )


ليا مني لقيت اعوير في عينه غرزت اخلال &&& وسرـيته مـع المجنون ثوبه فـوق الامتـاني

[البركان الثــائر]

لا بالعكس هذا ثائر علي طول وأنت تحري بالشبب؛؛؛;)




أظنك لو تجي فاتن حمامه ما عليها شال=تغني وسط دارك مر مصري مر سوداني
عليك الصبر خمس أيام لا والله خمس أليال=بعدها يا شديد الباس تامرني وتنهاني

[محمد أبو زيد]

صح السانك يالبركان الثائر


ولاهنت



لاصرت ثاير على طووول وش انسوي بك ؟ ;)

[البركان الثــائر]

صح بدنك يا شديد الباس حي والله ذا الشعر اللي يطرب
ماهوب شعر بعض الناس؛؛؛
أصبر عليه خمس أيام وألا خمس أليال:D
ونتوقف لأداء الصلاه الله يجزاك خير وأنا معك للثلث من الليل؛؛
وأسريا ساري

[محمد أبو زيد]

مرحبا بك على مدار 24 ساعه يافرد حمزه :)


وشطرك ماخفف من حمل شعيل


بح مني قبل ترقد ;)

والشعر ماني بـ عمه ولا خاله &&& بس يجري مثل دمي بـ شرياني

[محمد أبو زيد]

مرحبا بك يافرد حمزه على مدار 24 ساعه ;)


وشطرك مايخفف من حمل شعيل :)


بح مني قبل ترقد :D


والشعر ماني بـ عمه ولا خاله &&& بس يجري مثل دمي بـ شرياني

[البركان الثــائر]

مبيوح منا ليوم القيامه أرق سنود