اقرب شاعر يبدأ الطاااروق///الهماااام يا شعااااار

[وافي الكيــل]

السلام عليكم ورحمة الله وبركاته



اقرب شاعر يبتدي معي ويبدأ الطاروووووق



في انتظاااااار الشااااعر

[غازي الرسمان]

صباح الخير ياوافي علومك ياذيبان ماشالله اجل ناوي على قسم المحاوره اليوم
عاد انا مالي بالمحاوره ولا كان حاورتك واتشرف فيك
منتظر وراح اتابع لك
تحياتي

[وافي الكيــل]

^
يا مرحبابك والله يا غازي


والشرف لي طال عمركـ



انا حدي الى الصبح ان ما جا شاعر برقد:)



لاهنت يا غازي

[عبدالله المفلحي]

السلام عليكم ورحمة الله وبركاته

استلم يا وافي ..


يا ‘وافي الكيل‘ قبل الصبح يجلا الظلام..!=شفناك فالسكه اللي ماحدن مرها
قالو فـ/راسه خبر قلنا عليه السلام..=يقبل ويكشف رحى الايام ويفرها

..

[وافي الكيــل]

^
اررررررررررررررررررررررحب



والله اني توني الحين اشووووفهاااااااا


انشغلت وحسبت ما احد راااااااد


لكن دقاايق


ورد عليك


العذر والسمووووحه

[وافي الكيــل]

استلم
7
7


يا المفلحي مرحبابك عد وبل الغمااام
,,,,,,,,,,اللي ترّوي عطاش الشعر من درهااا

طال انتظاري وانا اصّوت واقول الهمااام
,,,,,,,,,,عذب الطواريق محد(ن) جا ولا جرهااا

[عبدالله المفلحي]

الله الله

دام البقا,, والعيون اللي تعاف المنام..!=مدري سهرها طرب‘ولا الزمن ضرها‘..!
ليلى تقول الخبر..! واقول عند الغلام..=يعطيك من خيرها يكفيك من شرها..

..

[عبدالله المفلحي]

النووووووووووم غلآآآب يا وافي .. بعد اذنك ,,

[وافي الكيــل]

مبدع الله عليكـ

استلم

/
/

يا المفلحي بنشدك قد سرت درب الغرااام؟
,,,,,,,,,,,اللي يشتت جموع الوصل ويطرهااا

نصيحتي كان ما سرته تعود بسلااام
,,,,,,,,,,,لا تذوق حلو المحبه لا ولا مرهااا

[وافي الكيــل]

افااااا وش العلم



لكن نوووووم العوااافي


صح لسااانك مبدع وتشرفت بالعب معك وانا اخيك

[لاقبلي ولابعدي]

صح الله لسانك ...ياوافي الكيل


وبانتظار جديدك مبدع ياشاعر المحاوره


ولا قصور بالباقي بس ودي في ابو نوره


انشالله في المرات الجايه :)

[وافي الكيــل]

صح الله لسانك ...ياوافي الكيل


وبانتظار جديدك مبدع ياشاعر المحاوره


ولا قصور بالباقي بس ودي في ابو نوره


انشالله في المرات الجايه :)

صح الله بدنش لاقبلي

ونورة الصفحه بتواجدش

وابو نوره اتشرف اني اتحاور معه شاعر مبدع


لاهنتي

[خالد بن نفل]

وافي الكيل
أستلم
سلام يسبع الخلا ياخالي العيب=سلامن أحلى من نسيم الهبايب
عد الجبال وعد عشب الاداعيب=وعد النجوم وعد وبل السحايب
على رفيق يدرك المدح والطيب=متسلسلن بالطيب من راس شايب

[وافي الكيــل]

^
^
ارررررحب يالهتلااااااني



الله يهديكم لا رديتوووو نبهوونا دزووولنا رسااله على الاقل علشاان ندري



لكن دقيقتين ورد عليك

[وافي الكيــل]

الله الله يالهتلااني

استلم
7
7

ارحب يا بن هتلاان واثني التراااحيب
,,,,,,,,,,,ترحيبتـ(ن) توفي حقوق الصحااايب

بك يا سليل المجد راعي المواااجيب
,,,,,,,,,,,يا عاقد الهمات وقت النشااايب

والفال لك يا ذيب ... حرش العراااقيب
,,,,,,,,,,,والعود الازرق سيق ... والاش خااايب

[خالد بن نفل]

صـــــــــح لســـــــــانك

[وافي الكيــل]

^
^
الهتلاااني


صح بدنكـ وسعدت بالرديه معك

وودي ان حنا نطول

لكن انا الحين طالع والليله مااقدر اشبك


لكن خيرهاااا بغيرهاااااا

[خالد بن نفل]

أبشتكليك دامك اعز الحبايب=شكوى جريح يبتسم في المصايب
جرح أحسبه طايب ولاهو بطايب=خل دموع العين تنزف سحايب
جرحي مع القلب حاضر ولاهو بغايب=خل همومي فقلبي سرايب

[خالد بن نفل]

ماعليك زود

[وافي الكيــل]

^
^

ولا موأخذه


الابياااات تفتقد للوزن!


الهتلاااني عيد النظر فيهاااااا


والله يهديك انا الحين والله اني طااالع لا تحرجني وان اخيك



لكن الجاااايااات وااااجد

[الفاهم غلط]

وافي الكيل
أستلم
سلام يسبع الخلا ياخالي العيب=سلامن أحلى من نسيم الهبايب
عد الجبال وعد عشب الاداعيب=وعد النجوم وعد وبل السحايب
على رفيق يدرك المدح والطيب=متسلسلن بالطيب من راس شايب

ما هيب لك يالهتلاني، لا تنسب الابيات لنفسك يا لص

[وافي الكيــل]

افااااااا والله يالهتـــلاني


تسرق الابياااات وتنسبهاااا لك وانا يا غافل لكم الله رديت احسبهااا لك


لكن تبين يوم بحثت عنهاااااا


الفاااهم غلط شكراً على التنووووويه

[خالد بن نفل]

ما هيب لك يالهتلاني، لا تنسب الابيات لنفسك يا لص
ماهي من اسلوبنا
وعيب عليك تكتب ذا الحكي مرة ثانيه

[خالد بن نفل]

افااااااا والله يالهتـــلاني


تسرق الابياااات وتنسبهاااا لك وانا يا غافل لكم الله رديت احسبهااا لك


لكن تبين يوم بحثت عنهاااااا


الفاااهم غلط شكراً على التنووووويه

حصلي الشرف العب معك ولكن دام في ناس مايثمنون الحكي اللي يقولونه (العواذل)
اخرج من المحاوره

[وافي الكيــل]

^
^
ما تشوووف شر طااال عمرك


دربك خضررررررررررررررررررر

[لاقبلي ولابعدي]

اكيد حصل واستهدوا بالله يمكن في غلط بالموضوع


كل طرف يتاكد من معلومته وان شاء الله ما به خلاف


........ ياليت تعطونه الجواب الشافي ..............

[وافي الكيــل]

اكيد حصل واستهدوا بالله يمكن في غلط بالموضوع


كل طرف يتاكد من معلومته وان شاء الله ما به خلاف


........ ياليت تعطونه الجواب الشافي ..............


هلابش يا لاقبلي


ماعاد فيها حكي وش يتأكد


لا هنتي