فالح بن ناصر
02-07-2010, 04:52 AM
كما يتوق امـن الشياهيـن قرنـاس
يتـوق قلـبـي للجـديـد ويجـيـده
ما نيب في العِرف اتهجـس تهجـاس
ابيع واشـري فـي العلـوم الوكيـده
ولحتجت راي انصا بديهين الحسـاس
واستد بريا اصحـاب لريـا السديـدة
اللى لهم في العرف ساس ومغـراس
الجيديـن اهـل السـدود الجـويـدة
الراي خير وشر مـن راس نبـراس
ماهوب مـن روس القلـوب البليـدة
واعوذ بالرحمن مـن كـل وسـواس
واهبـي الشيطـان واشـرار كـيـده
الله هو اللـي فـي فضايلـه غطـاس
ونفسٍ تجاهـد فـي سبيلـه شهيـده
واليسر يجلى العسر كتـام الانفـاس
وتبـدل الـروح الشقـيـة سعـيـده
عيد ارمضان اللي مضى طيّر البـاس
الخير في هلاله وفـي هـلال عيـده
طاح المطـر معـاد يعتـاز عسـاس
كــلٍ يـربّـع مالربـيـع ابجـيـده
قامت محاحيل المرس تضرس اضراس
صلـب وصلبـت الشمـال الشديـده
صلفـن هواهـا ماهواهـا بنسنـاس
هـواً نفيـضٍ مـن ديـارٍ بعـيـده
واهـل النجـور ادنهـا دن لجـراس
الرمـث يحـرق والمبانـي صميـده
وين انت يا ناصر ترا الوقت حسـاس
لشهر تطـارد بيـن يـوم وطريـده
مثلك بغيت انعس ولا جانـي انعـاس
افرد بي التفكيـر فـي أشيـا عديـده
في عازتك كاتـب وموقـد وحمـاس
مابه عضيـدٍ مغتنـي مـن عضيـده
النـوم لـوم وشبـه النـار نومـاس
لحـق علـى نـارك حطبهـا وزيـده
اجمع لها جرومٍ مـن الرمـث يبّـاس
نطرد بهـا سبـرا البطيـن وجليـده
وليا قربـت مـن المعاميـل لا بـاس
انتاش مـن صندوقهـا اللـي تريـده
مطرافتـيـن ودلتـيـن ومحـمـاس
والشـت والملقـاط والنجـر وايـده
وعويديّن يطـرد خـوا كـل رمّـاس
وحساويـن فـردة اخلاصـه فريـده
والما تلقا له مـن السحـب بطيـاس
امـن السحابـة للمعامـيـل سـيـده
الدلـة مـا ناشهااهجـار واشمـاس
بالنـار والبـن اليمـانـي عهـيـده
كاري وكيف الراس مفتـاح لونـاس
انـا وهـي مثـل الصغيّـر وديــده
احمس ودق ولا يجي فيـك هوجـاس
اتنـوش محماسـك إلهبـت الوقيـده
ولقّـم وزل وحـط للهيـل حـبـاس
اليفـة اللـي جلـد جـذع وجريـدة
واليـا تقهوينـا وطـار التعـومـاس
الفصـل الاول عيـد نـاره وعيـده
والقط جمرٍ من مجمرن لـه تقيبـاس
ساوه على المدخـن وحيـده وحيـده
واشقر من الجاوي كُبر سلـة الفـاس
شقر العصا لا تكسـره كسـر حيـده
وجب السحال امن المصاغير تـرّاس
اللـي لبنهـن حلـو نيلـه وعـيـده
واسحب لنا من بتري الجيـب كبّـاس
حطـه عليـه وشنكـره فـي حديـدة
وحضر قلم يا نوم عينـي وقرطـاس
شرد المثايل تنقبـض قبـض صيـده
ان ما صخرت ابلس علي كل بـلاس
مابـي النشيـدة تعترضهـا النقيـدة
والشاعر اللي في المثايل له ارمـاس
ايفيدني فـي بعـض الاشيـا وفيـدة
نشيـدة الشاعـر لهـا وزن وقيـاس
ومدح المديح يـزود ملـح النشيـدة
بمدح مديح اصخي كف وقوي بـاس
ومن خيرة الإسـلام ديـن وعقيـدة
وزعيم والباس الزعامة لـه البـاس
توفـرت فيـه المـزايـا الحمـيـدة
أبو اثنين اللي تسولـف بـه النـاس
مقـدم شمـل ماهـوب مقـدم بديـدة
له الزعامة من قديـمٍ علـى سـاس
اعلّـم الـلـي يحسبنـهـا جـديـده
انكان شيخ الشمل راسن فهـو راس
منهـو كنيـد أبـو اثنيـن ونـديـده
روسن تروس الروس ما هيب تراس
روس الجماليـن الكـبـار العنـيـده
خيّالهم ياخذ علـى الخيـل مـرواس
يـوم القنـا ذخـر الكنيـد لكنـيـده
فرسان لاركبوا علـى قـب لفـراس
وكرمـان يـوم ان المراجـل امكيـده
واليوم عاد الماس ما عـوّد انحـاس
كبيرهـم شيـخ وولـدهـم ولـيـده
في مجلس الحاكم لبواثنيـن مجـلاس
مسلط خـوي ابـن اسعـود وقعيـده
ورايه يدوس اريا ولاهـوب ينـداس
ننشد مـن الجيـد ونـدري ابجيـده
ماهيـب عـرض للغنايـم ولفـلاس
واللـي محمـد وامتـه مـن عبيـده
أشعـاري اجـداد وجمايـلـه دراس
وهدوه مسح ديني وهـدوي قصيـدة
اهداء على كومن من المال في اكياس
رصيدي اللي راصـده مـن رصيـده
اوفيت منـه نـاس ومسلفـن نـاس
وعطيت نـاس وعـاد منـه شريـدة
بين الرجا يا مسامر البـرق واليـاس
ما واعاد الله به يجي فـي الوعيـدة
وما ضاع غير الحق تدفنـه لطعـاس
وما فقد غير الدين مـا هـو فقيـده
اللي طمسها الوقت والوقـت طمـاس
وبغت تبيـد بهـا السنيـن المبيـده
كانت تصور لي عواكيـس وانحـاس
وتشيل فـي نفسـي لنفسـي حقيـده
وبالعكس صارت حظ ماهوب عوكاس
الله وفّقـهـا النـوايـا الـرشـيـده
وفيـت يـا حـلال مفتـول لمـراس
ومدّيـت يـا مـال الغنـاة المديـده
لو حط لهل المد كـاس مـن المـاس
ويحط كـاس المـد فـي راس ميـده
ابن شعيفان المرشّـح علـى الكـاس
هو راعي الجزلـة ماهيـب الزهيـده
ايقظ حمل اللي شكـا ضيـم التعـاس
ويحـل قيـد اللـي يدفـدف بقـيـده
قلته واقابل فى العطا ما لـه اجنـاس
سولف يـارادو واكتبـي يـا جريـدة
الشاعر مطلق بن ناصر ال طايع الهاجري
يتـوق قلـبـي للجـديـد ويجـيـده
ما نيب في العِرف اتهجـس تهجـاس
ابيع واشـري فـي العلـوم الوكيـده
ولحتجت راي انصا بديهين الحسـاس
واستد بريا اصحـاب لريـا السديـدة
اللى لهم في العرف ساس ومغـراس
الجيديـن اهـل السـدود الجـويـدة
الراي خير وشر مـن راس نبـراس
ماهوب مـن روس القلـوب البليـدة
واعوذ بالرحمن مـن كـل وسـواس
واهبـي الشيطـان واشـرار كـيـده
الله هو اللـي فـي فضايلـه غطـاس
ونفسٍ تجاهـد فـي سبيلـه شهيـده
واليسر يجلى العسر كتـام الانفـاس
وتبـدل الـروح الشقـيـة سعـيـده
عيد ارمضان اللي مضى طيّر البـاس
الخير في هلاله وفـي هـلال عيـده
طاح المطـر معـاد يعتـاز عسـاس
كــلٍ يـربّـع مالربـيـع ابجـيـده
قامت محاحيل المرس تضرس اضراس
صلـب وصلبـت الشمـال الشديـده
صلفـن هواهـا ماهواهـا بنسنـاس
هـواً نفيـضٍ مـن ديـارٍ بعـيـده
واهـل النجـور ادنهـا دن لجـراس
الرمـث يحـرق والمبانـي صميـده
وين انت يا ناصر ترا الوقت حسـاس
لشهر تطـارد بيـن يـوم وطريـده
مثلك بغيت انعس ولا جانـي انعـاس
افرد بي التفكيـر فـي أشيـا عديـده
في عازتك كاتـب وموقـد وحمـاس
مابه عضيـدٍ مغتنـي مـن عضيـده
النـوم لـوم وشبـه النـار نومـاس
لحـق علـى نـارك حطبهـا وزيـده
اجمع لها جرومٍ مـن الرمـث يبّـاس
نطرد بهـا سبـرا البطيـن وجليـده
وليا قربـت مـن المعاميـل لا بـاس
انتاش مـن صندوقهـا اللـي تريـده
مطرافتـيـن ودلتـيـن ومحـمـاس
والشـت والملقـاط والنجـر وايـده
وعويديّن يطـرد خـوا كـل رمّـاس
وحساويـن فـردة اخلاصـه فريـده
والما تلقا له مـن السحـب بطيـاس
امـن السحابـة للمعامـيـل سـيـده
الدلـة مـا ناشهااهجـار واشمـاس
بالنـار والبـن اليمـانـي عهـيـده
كاري وكيف الراس مفتـاح لونـاس
انـا وهـي مثـل الصغيّـر وديــده
احمس ودق ولا يجي فيـك هوجـاس
اتنـوش محماسـك إلهبـت الوقيـده
ولقّـم وزل وحـط للهيـل حـبـاس
اليفـة اللـي جلـد جـذع وجريـدة
واليـا تقهوينـا وطـار التعـومـاس
الفصـل الاول عيـد نـاره وعيـده
والقط جمرٍ من مجمرن لـه تقيبـاس
ساوه على المدخـن وحيـده وحيـده
واشقر من الجاوي كُبر سلـة الفـاس
شقر العصا لا تكسـره كسـر حيـده
وجب السحال امن المصاغير تـرّاس
اللـي لبنهـن حلـو نيلـه وعـيـده
واسحب لنا من بتري الجيـب كبّـاس
حطـه عليـه وشنكـره فـي حديـدة
وحضر قلم يا نوم عينـي وقرطـاس
شرد المثايل تنقبـض قبـض صيـده
ان ما صخرت ابلس علي كل بـلاس
مابـي النشيـدة تعترضهـا النقيـدة
والشاعر اللي في المثايل له ارمـاس
ايفيدني فـي بعـض الاشيـا وفيـدة
نشيـدة الشاعـر لهـا وزن وقيـاس
ومدح المديح يـزود ملـح النشيـدة
بمدح مديح اصخي كف وقوي بـاس
ومن خيرة الإسـلام ديـن وعقيـدة
وزعيم والباس الزعامة لـه البـاس
توفـرت فيـه المـزايـا الحمـيـدة
أبو اثنين اللي تسولـف بـه النـاس
مقـدم شمـل ماهـوب مقـدم بديـدة
له الزعامة من قديـمٍ علـى سـاس
اعلّـم الـلـي يحسبنـهـا جـديـده
انكان شيخ الشمل راسن فهـو راس
منهـو كنيـد أبـو اثنيـن ونـديـده
روسن تروس الروس ما هيب تراس
روس الجماليـن الكـبـار العنـيـده
خيّالهم ياخذ علـى الخيـل مـرواس
يـوم القنـا ذخـر الكنيـد لكنـيـده
فرسان لاركبوا علـى قـب لفـراس
وكرمـان يـوم ان المراجـل امكيـده
واليوم عاد الماس ما عـوّد انحـاس
كبيرهـم شيـخ وولـدهـم ولـيـده
في مجلس الحاكم لبواثنيـن مجـلاس
مسلط خـوي ابـن اسعـود وقعيـده
ورايه يدوس اريا ولاهـوب ينـداس
ننشد مـن الجيـد ونـدري ابجيـده
ماهيـب عـرض للغنايـم ولفـلاس
واللـي محمـد وامتـه مـن عبيـده
أشعـاري اجـداد وجمايـلـه دراس
وهدوه مسح ديني وهـدوي قصيـدة
اهداء على كومن من المال في اكياس
رصيدي اللي راصـده مـن رصيـده
اوفيت منـه نـاس ومسلفـن نـاس
وعطيت نـاس وعـاد منـه شريـدة
بين الرجا يا مسامر البـرق واليـاس
ما واعاد الله به يجي فـي الوعيـدة
وما ضاع غير الحق تدفنـه لطعـاس
وما فقد غير الدين مـا هـو فقيـده
اللي طمسها الوقت والوقـت طمـاس
وبغت تبيـد بهـا السنيـن المبيـده
كانت تصور لي عواكيـس وانحـاس
وتشيل فـي نفسـي لنفسـي حقيـده
وبالعكس صارت حظ ماهوب عوكاس
الله وفّقـهـا النـوايـا الـرشـيـده
وفيـت يـا حـلال مفتـول لمـراس
ومدّيـت يـا مـال الغنـاة المديـده
لو حط لهل المد كـاس مـن المـاس
ويحط كـاس المـد فـي راس ميـده
ابن شعيفان المرشّـح علـى الكـاس
هو راعي الجزلـة ماهيـب الزهيـده
ايقظ حمل اللي شكـا ضيـم التعـاس
ويحـل قيـد اللـي يدفـدف بقـيـده
قلته واقابل فى العطا ما لـه اجنـاس
سولف يـارادو واكتبـي يـا جريـدة
الشاعر مطلق بن ناصر ال طايع الهاجري