ارجوا الدخول

[**عافكـ الخاطر**]

بسم الله الرحمن الرحيم

السلام عليكم ورحمة الله وبركاته


صـُــُباح الخــــير





شلــــــــونكــــم



يا جماعه انا كويت خشمي ثلاث مرات لانه ينزل منه دم


ولا الحين زاد واروح الطبيب يقولي حساسيه اقوله نص دمي طلع تقولي حساسيه


والي يعرف علاج لا يبخل علينا لاني والله قمت اوسوس

[بدر الفضلي]

ماتشوفون شر .. انا ولد عمي دكتور اذن وانف وحنجرة بس ماينفع السؤال

لازم مراجعة وفحص .. بس اذا كان الالم مزمن فانصح تراجعون استشاري او

اخصائي

[**عافكـ الخاطر**]

رحت العدان قالي التهاب مزمن



على العموم لاهنت على المرور


يعطيك الف الف عافيه

[ميـــاسه]

قريت عن موضوعك ونسخت لك اللي قريته


وكان رد طبي في هالموضوع


تجنب وضع الإصبع داخل الأنف لأن ذلك يؤذي النسيج المبطن للأنف ويسبب الرعاف .

وترطيب داخل الأنف بمسحة بقطنة مغموسة بفازلين

وهذا رد وحده يصيبها الرعاف
وهذا كلامها :

محد جاه رعاف مثلي !!!
كنت أِشرق بالدم و انا نايمة من كثرته !!! خفت لا أموت بسبته !!!
و ناس نصحوني بالحنا للشعر ( احني شعري عادي )
و ناس نصحوني احط ريحان على شعري مثل الحنا
بس خالتي حلمت ان وحدة تقول لازم بنت اختك تحط على راسها محلب و تتعافى !!!
سويتها مع الحنه حطيت محلب و حنا
شوي شوي الدم خف !!!
و الحمدلله ما صار يجي الا نادراااااااااااااا


وفيه رد لوحده ثانيه وكان العلاج كالاتي :

انا عيالي اثنين وكم مره سويت لهم كوي بس فتره وبعدين يرجع حتى راجعت عند الدكتور خالد المزروع في دله وقالي ابدا ماله داعي الكوي لانه مايحل المشكله

سبب الرعاف هو جفاف الانف ونصحني باستخدام الفازلين ش(عن طريق اعود تنظيف الاذن) مرتين مره الصباح ومره بالليل قبل مايناموا وبالفعل لقيت نتيجه ممتازه انقطع عنهم الرعاف لاني الاحظ اذا نسيت احط لهم الفازلين يومين يرجع الرعاف فجربي وان شاء الله يفيدك



يعني هنا عليك بمسحه فازلين مرتين
جربيه وان شالله تتعافين

[# أم أطياب #]

خليج من العدان

روحي من بعد الله سبحانهـ

للفضالهـ بطيبهـ كلينكـ وشوفي شيقول

الله يعافيج حبيبتي تصبري أجر ان شاءالله

.

[ضامي]

ما تشوف شر انشالله

ما عندي اي فكره

[**عافكـ الخاطر**]

لاهنتوا على مروركم


قالي يا ناصر انت معك التهاب مزمن وعطاني مرهم